ՀԱՅԱՍՏԱՆԻ ԱԶԳԱՅԻՆ ԺՈՂՈՎԸ ՀԱՍՏԱՏԵՑ ՀԱՄԱՆԵՐՈՒՄԻ ԱՌԱՋԱՐԿԸ

0
124

 Հայաստանի  Ազգային Ժողովը  102   կողմ  քուէներով՝  հաւանութիւն տուաւ անկախութեան 22-րդ տարեդարձին առիթով նախագահ Սերժ Սարգսեանի` համաներում յայտարարելու մասին առաջարկին:  Նիստի  ներկաներէն ոչ ոք՝ դէմ կամ  ձեռնպահ քուէարկեց: 

Արդարադատութեան նախարար Հրայր Թովմասեան յայտարարեց, թէ  քուէարկութեան   հետեւանքով  ազատ պիտի արձակուին մօտաւորապէս  500 դատապարտեալ:

Նախարարը տեղեկացուց  նաեւ, որ համաներումը չի վերաբերիր անոնց, որոնց պատիժի չափը վերջին տասը տարուան ընթացքին կրճատուած է գէթ մէկ անգամ: Սոյն  համաներումին  համաձայն,  ազատ պիտի արձակուին ՀԱԿ ակտիւիստ Տիգրան Առաքելեանը, ազատամարտիկ, պահեստազօրի գնդապետ Վալոտիա Աւետիսեանը, ՀՀ ոստիկանութեան քրէական հետախուզութեան գլխաւոր վարչութեան նախկին պետ Յովհաննէս Թամամեանը ու ՀՀ ճանապարհային ոստիկանութեան նախկին պետ Մարգար Օհանեանը:

Նախագահի նախկին թեկնածու Վարդան Սեդրակեան ազատ չ’արձակուիր: Հայաստանի Հանրապետութեան մէջ անկախացումէն ի վեր եղած է 8 համաներում: Հայաստանի մէջ առաջին համաներումը յայտարարուած է 5 Յուլիս  1995-ին: Վերջինը՝ 2011-ին:

LEAVE A REPLY

Please enter your comment!
Please enter your name here