«ՉԵՄՓԻԸՆԶ ԼԻԿ» – ՊԱՅԵՐՆ ՖՈՒԹՊՈԼԻ ԳԵՂԵՑԻԿ ԴԱՍ ՄԸ ՏՈՒԱՒ ՍԻԹԻԻՆ

0
146

Չորեքշաբթի  երեկոյեան  եւրոպական ցամաքամասի  տարբեր  քաղաքներու մէջ  տեղի ունեցան  Եւրոպայի Ախոյեան Ակումբներու Ախոյեանութեան «Չեմփիընզ Լիկ»  մրցաշարքի   խմբային  հանգրուանի  հերթական  մրցումները:

Ա.Խմբակին մէջ,  Տոնեցքի Շախտիորը  սեփական դաշտին մէջ  1-1 արդիւնքով հաւասարութիւն մը արձանագրեց Մանչեսթըր Եունայթըտի դէմ:   Տենի Ուելպէք՝  18-րդ վայրկեանին յառաջ մղեց «Կարմիր Սատանաները»: Թայսըն՝ 76-րդ վայրկեանին հաւասարեցուց հաշիւը: Մանչեսթըր Եունայթըտի   39- ամեայ  կիսապաշտպան Ռայն Կիկզ իւրայատուկ  մրցանիշ մը  հաստատեց, «Չեմփիընզ Լիկ»  բաժակի գծով,  կատարելով իր  145-րդ  մրցումը:  Նախորդ մրցանիշը՝ 144  մրցում , կը պատկանէր Ռէալ Մատրիտի  յառաջապահ Ռաուլ Կոնզալէսին:

 Նոյն խմբակին մէջ,  Պայեր  Լեվերքուզեն  2-1 արդիւնքով պարտութեան  մատնեց  Ռէալ Սոսիետատը:   Սիմոն  Ռոլֆէս եւ Եանս Հեկլէր նշանակեցին գերմանական խումբին կոլերը:

Բ.Խմբակին մէջ, Ռէալ  Մատրիտ՝ 4-0 արդիւնքով  պարտութեան մատնեց  Էֆ. Սի. Գոփենհակենը, անոր   դաշտին մէջ: Ռէալ Մատրիտի մարզիչ Գառլօ Անճելոթի   ըսաւ, է  իր կազմը սուր խաղ մը ցուցադրեց : Քրիսթիանօ Ռոնալտօ (2) եւ Անկէլ Տի Մարիա (2) նշանակեցին սպանական խումբին  կոլերը: Նոյն  խմբակին մէջ,  նախապէս սեփական դաշտին մէջ  Ռէալ Մատրիտէն  6-1 արդիւնքով   ծանր  պարտութիւն մը  ճաշակած  Կալաթասարայը,  նոր մարզիչ  Ռոպերթօ Մանչինիի  գլխաւորութեամբ  կարեւոր կէտ մը խլեց  Եուվենթուսէն, երբ  2-2 արդիւնքով հաւասարութիւն մը արձանգրեց անոր դաշտին մէջ:   Արթուրօ Վիտալ եւ Ֆապիօ Կուալիարելա  նշանակեցին  Իտալիոյ ախոյեաններուն կոլերը:  Տիտիյէ  Տրոկպա եւ  Եումիտ  Պուլուտ  Կալաթասարայի:

Գ.Խմբակին մէջ,  Փարի Սէն Ժերմէն՝  3-0 արդիւնքով պարտութեան մատնեց  Պենֆիքան:  Զլաթան Իպարահիմովիչ (2) եւ  Մարկինիոս նշանակեցին  Ժերմէնի կոլերը:  Նոյն  խմբակին  մէջ, Անտերլեխթ  սեփական դաշտին  մէջ  3-0 արդիւնքով պարտութիւն մը  կրեց  Օլիմփիաքոսէն:

Դ.Խմբակին մէջ,  Մանչեսթըր Սիթի  սեփական դաշտին մէջ  3-1 արդիւնքով  խայտառակ պարտութիւն մը կրեց  բաժակակիր Պայերն Միւնիխէն:  Անգլիացիները  գրեթէ ոչինչ կրցան  ընել  գերմանացիներուն կիրարկած խաղին առջեւ:   Ֆրանք Ռիպերի, Թոմաս Միւլըր  եւ Արիան Ռոպէն   նշանակեցին Պայերնի  կոլերը:  Ալվարօ Նեկրետօ՝ Սիթիի:

Սիթիի մարզիչ  Մանուէլ Փելեկրինի ընդունեց, թէ  Պայրենի խաղը ամբողջական էր, սակայն  նշեց, թէ իր խումբը կրնար աւելի  լաւ արդիւնք  մը ձեռք բերել  անոր  դէմ:  Պայերն Միւնիխ ակումբի նախագահ  Ուլի Հէոնես  ըսաւ, թէ  Պայերն կատարեալ խաղ ցուցադրած էր   մրցումի ամբողջ տեւողութեան:  Նոյն Խմբակին մէջ, Մոսկուայի Բանակայինները   3-2  արդիւնքով պարտութեան մատնեցին Վիթորիա Փլզէնը:

 ՎԱՂԸ՝  ՈՒՐԲԱԹ   ԵՐԵԿՈՅԵԱՆ ՏԵՂԻ ՈՒՆԵՆԱԼԻՔ  ՀԱՆԴԻՊՈՒՄՆԵՐ

ՍՊԱՆԻԱ

Վիլառէալ  – Կրանատա  ժամը՝ 21.00

Մալակա – Օսասունա ժամը՝  23.00

ԳԵՐՄԱՆԻԱ

Հանովըր 96 –  Հերթա Պերլին ժամը՝   21.30

ՖՐԱՆՍԱ

Պասթիա –Լօրիան ժամը՝  21.30

LEAVE A REPLY

Please enter your comment!
Please enter your name here