ԱՍԱՏ ԿԸ ԶԳՈՒՇԱՑՆԷ ԹՈՒՐՔԻԱՆ՝ ԱՀԱԲԵԿԻՉՆԵՐՈՒՆ ՕԳՆԵԼՈՒ ՀԵՏԵՒԱՆՔՆԵՐԷՆ

0
99

Սուրիոյ քիմիական   զէնքերը   չէզոքացնելու  հարցերով զբաղող   հետաքննիչները  խրախուսական  յառաջընթաց   արձանագրած են  իրենց աշխատանքներուն մէջ: ՄԱԿ-ի ընդհանուր քարտուղարի  մամլոյ  խօսնակ  Մարթին Նեսիրքի  աւելցուց, թէ  Սուրիոյ կառավարութեան յանձնած   փաստաթուղթերը  խոստմնալից են:  Քսան պետութիւն  ներկայացնող  երեսուն երեք անդամներէ բաղակացած   հետաքննիչները յառաջիկայ  շաբթուան  ընթացքին պիտի սկսին քննարկումներուն:

Նախագահ  Պաշշար Ասատ  զգուշացուց, թէ  Թուրքիա սուղ պիտի  վճարէ  Սուրիոյ ահաբեկիչներուն   օգնութեան  գինը, աւելցնելով որ  մօտիկ ապագային ահաբեկիչները լուրջ  դժուարութիւններ պիտի յարուցեն Թուրքիոյ առջեւ: Նշենք, թէ Թուրքիոյ խորհրդարանը երկար  վէճերէ  ետք,  մէկ տարիով  երկարաձգեց Սուրիոյ  մէջ  ռազմական  գործողութիւններ  իրականացնելու   ժամկէտը:

Ռազմական   գետնի վրայ, արաբական  լրատուամիջոցներ կը հաղորդեն, թէ Սուրիոյ  բանակը  յաջողութիւններ կ’արձանագրէ   երկրի  զանազան շրջաններու մէջ:

LEAVE A REPLY

Please enter your comment!
Please enter your name here