ԻՐԱՆ ՆՈՐ ՊԱՏՈՒԻՐԱԿՈՒԹԻՒՆ ՄԸ ՊԻՏԻ ՂՐԿԷ ՎԵՑԵԱԿԻ ՀԵՏ ՀԱՆԴԻՊՈՒՄՆԵՐՈՒՆ

0
105

Իրանի եւ Արեւմտեան  պետութիւններու Վեցեակի  միջեւ  երկխօսութեան յաջորդ հանգրուանը տեղի պիտի ունեանյ  15-16 Հոկտեմբերին:  Իրանի արտաքին գործոց նախարարութիւնը  յայտարարեց, թէ  Թեհրան՝ ամբողջութեամբ նոր պատուիրակութիւն մը պիտի  ուղղարկէ բանակցութիւններուն: Նախկին բանագնացներէն ոչ ոք  մաս պիտի կազմէ իրանեան պատուիրակութեան:Նշենք, թէ նախագահ Հասան Ռոհանի արտաքին գործոց նախարարութեան վստահեցաւ  միջուկային ծրագրի շուրջ բանակցութիւններու պատասխանատուութիւնը: Նախապէս, կը  զբաղէր ազգային անվտանգութեան բարձրագոյն խորհուրդը:«Իրանին անհրաժեշտ է   պատժամիջոցներու  վերացում, իսկ միջազգային  ընտանիքը  կը փափաքի հսկողութեան տակ դնել  Իրանի միջուկային  ծրագիրները՝ համոզուելու  համար, որ  Իրանի գործունէութիւնը ուղղուած է խաղաղ  ուժանիւթային  նպատակներու». յայտնեց նախարարութիւնը:

Ուաշինկթընի մէջ, պետական  քարտուղարի տեղակալ Ուենտի Շերման Իրանէն պահանջեց յստակ  քայլերու դիմել միջուկային  ծրագիրին վերաբերեալ:  Ան, Ներկայացուցիչներու Տունէն պահանջեց  պատժամիջոցներ չքուէարկել  նոր բանակցութիւններու նախօրէին:

LEAVE A REPLY

Please enter your comment!
Please enter your name here