ԼԱԿԱՐՏ ԿԸ ԶԳՈՒՇԱՑՆԷ ՄԻԱՑԵԱԼ ՆԱՀԱՆԳՆԵՐՈՒ ԿԱՌԱՎԱՐԱԿԱՆ ՃԳՆԱԺԱՄԷՆ

0
111

ԱՄՆ արտաքին պարտքի “առաստաղ”-ը չբարձրացնելը աւելի մեծ սպառնալիք է համաշխարհային տնտեսութեան, քան այժմեան կառավարական ճգնաժամը: Սոյն յայտարարութիւնը կատարեց  Միջազգային Ելեւմտական Հիմնարկի   տնօրէն  Քրիստին Լակարտ:

Ճորճ Ուաշինկթընի անուան համալսարանին մէջ ունեցած իր ելոյթին ընթացքին` Լակարտ յայտնեց, որ Միացեալ Նահանգներու  կառավարութիւնը պէտք է անմիջապէս բարելաւէ ելեւմտական իրավիճակը՝ երկարաժամկէտ հեռանկարով: Ան նշեց, որ չափազանց կարեւոր է  արտաքին պարտքին վերաբերեալ համաձայնութիւնը:

Միացեալ Նահանգներու  տնտեսական նախարարութիւնը  հաստատեց  Լակարտի եզրակացութիւնները: Ելեւմտական նախարարութեան կարծիքով՝  Միացեալ Նահանգներու   տնտեսական բացը, որ համաձայնութեան բացակայութեան պարագային կրնայ տեղի ունենալ 17 Հոկտեմբերին, կրնայ մղել վարկային շուկաներու սառեցման, տոլարի արժեզրկման եւ  տոկոսադրոյքներու   բարձրանալ: Մասնագէտներու կարծիքով, տնտեսական վնասը պիտի  երկարի  տասնամեակներու վրայ՝  լքելով լուրջ հետեւանքներ:

Ստեղծուած իրավիճակէն մեկնելով,  նախագահ Օպամա  ջնջեց  ասիական երկիրներ  նախատեսուող շրջագայութիւնը: Սպիտակ Տան յայտարարութեան համաձայն՝ հանգամանքները կը պահանջեն, որ նախագահը չբացակայի երկրէն:

LEAVE A REPLY

Please enter your comment!
Please enter your name here