ՆԱԽԱԳԱՀ ՍԱՐԳՍԵԱՆ ՄԱՍՆԱԿՑԵՑԱՒ ՃԱՐՏԱՐԱԳԻՏԱԿԱՆ ՑՈՒՑԱՀԱՆԴԷՍԻ ԲԱՑՄԱՆ ԱՐԱՐՈՂՈՒԹԵԱՆ

0
97

Նախագահ Սերժ Սարգսեանի մասնակցութեամբ Երեւանի հաշուիչ   մեքենաներու գիտահետազօտական ուսումնարանին մէջ մեկնարկեց «Տիճիթէք Էքսփօ –  2013» 9-րդ միջազգային ճարտարագիտական ցուցահանդէսը:

«Տիճիթէք Էքսփօ  – 2013» ցուցահանդէսին այս տարի կը մասնակցին տեղական, գանատական, սինկափուրեան, ռուսական եւ ամերիկեան 120 կազմակերպութիւններ: Տեղեկատուական  ձեռնարկութիւններու միութեան գործադիր տնօրէն Կարէն Վարդանեանի խօսքով` ցուցահանդէսը այս տարի կը ներկայանայ առաւել մեծ ծաւալով եւ նոր ձեւաչափով: Հայաստանեան ճարտարագիտական յառաջընթացին հետեւելու ներկայ գտնուեցան նաեւ Հայաստանի մօտ Միացեալ Նահանգներու  դեսպան Ճոն Հեֆըրնը եւ տնտեսութեան նախարար Վահրամ Աւանեսեանը: Տնտեսութեան նախարարը նշեց, որ սոյն մարզը  արձանագրած է  զգալի աճ՝ տարեկան 20-22 %:  Այս տարի կ’ակնկալուի 700-1000 նոր աշխատատեղի ստեղծում:

Աշխատանքի եւ հասարակական հարցերու նախարարութեան «Զբաղուածութեան պետական ծառայութիւն» գործակալութեան աջակցութեամբ ցուցահանդէսի ընթացքին կազմակերպուած է նաեւ աշխատանքի տօնավաճառ` տեղեկատուական ճարտարագիտութիւններու ոլորտին մէջ:

Ցուցահանդէսը պիտի փակուի  Կիրակի  6  Հոկտեմբերին:

LEAVE A REPLY

Please enter your comment!
Please enter your name here