ՆԱԽԱԳԱՀ ՍԸԼԷՅՄԱՆ ԿԸ ՊԱՀԱՆՋԷ ՀԱՄԱԽՄԲՈՂ ԿԱՌԱՎԱՐՈՒԹԻՒՆ

0
94

Հանրապետութեան նախագահ   Միշէլ Սըլէյման  իր այցելութներուն յայտնեց, թէ  կը նախընտրէ   համախմբող կառավարութեան մը կազմութիւնը: Ան զգուշացուց երկրին մէջ ապահովական ցնցումներ  յառաջացներլու փորձերէն:  Սըլէյման դարձեալ մերժեց վերընտրուելու մասին խօսակցութիւնները,  մաղթելով, որ    խորհրդարանը նշուած ժամանակամիջոցին նոր  նախագահ մը կ’ընտրէ երկրին համար:

Հանրապետութեան նախագահը  Պաապտայի  պալատին մէջ ընդունեց  ընդհանուր անվտանգութեան  ընդհանուր տնօրէն, հազարապետ Ապպաս  Իպրահիմը եւ անոր հետ քննարկեց  Ազէզի մէջ առեւանգուած  լիբանանցի ուխտաւորներուն, ինչպէս  նաեւ Լիբանանի մէջ առեւանգեալ թուրք  օդաչուներու   թղթածրարները:  Նշենք, թէ  նախքան հանրապետութեան նախագահին հետ հանդիպումը,  Ապպաս տեսակցութիւն մը ունեցաւ Լիբանանի մօտ  Թուրքիոյ  դեսպանին հետ:  Սըլէյման  հերթաբար ընդունեց Լիբանանի մօտ Ինտոնեզիոյ  դեսպանը,  նախկին  երեսփոխաններ Միսպահ Ահտէպը, Մահմուտ Աուատը եւ այլ անձնաւորութիւններ:

LEAVE A REPLY

Please enter your comment!
Please enter your name here