ԿԱՌԱՎԱՐՈՒԹԵԱՆ ԾՆՈՒՆԴԸ ԿԸ ՍՊԱՍԷ ԹԵՀՐԱՆ-ՌԻԱՏ ՁԻՒՆՀԱԼԻՆ

0
103

 Նոր կառավարութեան կազմութիւնը կը մնայ  տեղական, շրջանային եւ  միջազգային դէտերու հիմնական  սեւեռակէտներէն մէկը: Քուլիսներու ետին խորհրդակցութիւններ  տեղի կ’ունենան  Պէյրութ –Ռիատ   գերաստիճան մը կազմակերպելու ուղղութեամբ՝  կազմութեան  ճիգերը  դիւրացնելու նպատակով: Ուաշինկթըն եւ Փարիզ անուղղղակի   ճիգեր կը բանեցնեն  ի նպաստ նման  գերաստիճանի մը  յաջողութեան: Շրջանային  աղբիւրներ  կը հաղորդեն,թէ ներկայ  հանգրուանին, Ռիատ  նախապատուութիւնը կու տայ Թեհրանի հետ   երկխօսութեան, որովհետեւ  խնդրոյ առակայ  շփումներուն արդիւնքէն  յստակ պիտի  դառնայ   լիբանանեան  կառավարութեան    ճակատագիրը:

Հանրապետութեան նախագահ Միշէլ Սըլէյման  դարձեալ  շեշտեց  համախմբող կառարավարութիւն մը կազմելու անհրաժեշտութիւնը: Սըլէյման  կրնայ   կարգ մը  գործնական  քայլերու  դիմել  յառաջիկայ  օրերուն:

Ընկերվար  Յառաջդիմական Կուսակցութեան պետ Ուալիտ Ճոմպլաթ նշեց, թէ  կառավարութեան ուշացումը սկսած է լուրջ  վնասներ պատճառել Լիբանանին: Կառավարութեան  տագնապը  լուծելու   նպատակով, խորհրդարանի նախագահ Նեպիհ Պըրրի  դարձեալ  շեշտեց  երկխօսութեան սեղան վերադառնալու եւ տարակարծութիւնները ազգային   երկխօսութեան սեղանին վրայ լուծելու իր առաջադրած  նախաձեռնութիւնը:

LEAVE A REPLY

Please enter your comment!
Please enter your name here