ՀԱՅԱՍՏԱՆԻ ԳՐՈՂՆԵՐՈՒ ՆԱԽԱԳԱՀԸ ՊԻՏԻ ԸՆՏՐՈՒԻ 20-25 ՀՈԿՏԵՄԲԵՐԻ ՄԻՋԵՒ

0
109

Հայաստանի գրողներու միութիւնը  20-25  Հոկտեմբերի  միջեւ պիտի ընտրէ իր նոր նախագահը:  Այս մասին յայտնեց բանաստեղծ եւ գրականագէտ Արտեմ Յարութիւնեանը: Ան յայտարարեց, որ միութեան նախկին նախագահ Լեւոն Անանեանը հսկայ ժառանգութիւն ստացած էր՝ «Գրողների միութիւն» անունով: «Այդ ժառանգութեան մէջ 400 բեռ կար, որոնց գրող են ասում, իսկ այդ գրողների մի մասը հազիւ թէ ընթերցողներ ունենայ», նշեց Ա. Յարութիւնեան:
Բանաստեղծը ցաւով ըսաւ, որ Գրողներու Միութիւն ընդունուած մարդոց մէկ մասը չի գիտեր, թէ ինչո՛ւ կը գրէ եւ ի՛նչ արդիւնք կու տայ։ Ան այդ հանգամանքը առնչած է համաշխարհային գրականութեան մէջ Հայաստանի անունը չյիշատակուելուն։ «Լեւոն Անանեանը կարողացաւ «Գրողների Միութիւն» անուան վրայից մաքրել ցեխը: Լեւոնի օրօք ջահելութիւն մտաւ այդ կառոյց, իսկ այդ ջահելների համար նոր թերթ ստեղծուեց ու նաեւ սկիզբ դրուեց քննադատութեան, ինչը շատ կարեւոր է այս ոլորտում», ըսաւ բանաստեղծը:
Յարութիւնեանի համաձայն, միութեան նախագահ ըլլալու յաւակնութիւն ունին Յովիկ Հովէյեանը, Դաւիթ Մուրատեանը, Էտուարտ Միլիտոնեանը, Մերուժան Տէր Գուլանեանը: Ան նշեց, որ լուրջ չի մօտենար Յովիկ Հովեյեանին ու Դաւիթ Մուրատեանին:
Արտեմ Յարութիւնեանի համաձայն, Գրողներու Միութեան նախագահը պէտք է ըլլայ կիրթ մարդ, մշակութային դէմք, ունենայ գրական ժառանգութիւն եւ հասկնայ ժողովուրդին վիճակը:

 

LEAVE A REPLY

Please enter your comment!
Please enter your name here