ՈՒԱՇԻՆԿԹԸՆ ՉԻ ԿՐՆԱՐ ՆՈՐ ՊԱՏԺԱՄԻՋՈՑՆԵՐ ՍԱՀՄԱՆԵԼ ԻՐԱՆԻ ԵՒ ՍՈՒՐԻՈՅ ԴԷՄ

0
113

 Միացեալ Նահանգներու  պետական  քարտուղարութեան խօսնակ Ճէյ Գառնի  յայտարարեց, թէ   տնտեսական  ֆինանսաւորման  բացակայութեան պատճառով,  Սպիտակ Տունը ի վիճակի պիտի   չըլլայ վերանայելու Սուրիոյ եւ Իրանի  դէմ պատժամիջոցներուն:  Ան ըսաւ, թէ  պետական հաստատութիւնները կը մնան  փակ, որոնց մէջ  ելեւմտական նախարարութեան արտասահմանեան  վերահսկողութեան բաժինը, որ անմիջական պատասխանատուն է պատժամիջոցներուն:

Միւս կողմէ, Հիւսիսային Սուրիոյ մէջ  զինեալ բախումներ տեղի կ’ունենան ծայրայեղական  իսլամիստական խմբաւորումներու եւ  քրտական   միաւորներու միջեւ:   Ալ Քայիտայի ենթակայ   զինեալները կը փորձեն իրենց  հակակշիռին տակ վերցնել Հասաքայի շրջանը:  Քիւրտերը կ’ընդդիմանան: Քիւրտերը կը կազմեն Սուրիոյ բնակչութեան տաս առ հարիւրը:

Թուրքիա  սկսաւ Սուրիոյ հետ սահմանագիծին վրայ երկու մեթր բարձրութեամբ պատ մը կառուցե:  Ըստ  «Սի.Էն.Էն. – Թըրք»ին, պատը կը  կառուցուի  մաքսանենգներու մուտքը Թուրքիա արգիլերու նպատակով:

LEAVE A REPLY

Please enter your comment!
Please enter your name here