ՊԱՔՈՒԻ ՀԱՄԱՁԱՅՆ՝ ՀԱՅԱՍՏԱՆԻ ՕԴԱՅԻՆ ՏԱՐԱԾՔԸ ԱՏՐՊԷՅՃԱՆԻ ՕԴԱՅԻՆ ՀԱԿԱԿԱԿՇԻՌԻՆ ՏԱԿ ԿԸ ԳՏՆՈՒԻ

0
134

Ատրպէյճանի օդուժի հրամանատար զօր. Ալթայ Մեհտիեւ մամլոյ ասուլիսի մը ընթացքին յայտարարեց, թէ վերջին քանի մը տարիներուն ընթացքին իրականացուած արդիականացման արշաւին շնորհիւ, իր երկիրը ամենազօրաւոր օդուժներէն մէկը ունի նախկին Խորհրդային Միութեան անդամ երկիրներուն մէջ:
Ըստ հրամանատարին՝ երկրին օդուժը իր հակակշիռին տակ կը պահէ ոչ միայն Ատրպէյճանի հողային տարածքը, այլեւ Հայաստանի օդային տարածքը՝ պնդելով, թէ Երեւանի օդակայանէն միայն 10 մեթր բարձրացած օդանաւ մը կը նկատուի Ատրպէյճանի օդային պաշտպանութեան համակարգին կողմէ:
Մեհտիեւ աւելցուցած է, թէ Հայաստանի տրամադրութեան տակ գտնուող «Էս. 300» տիպի համակարգերը արդէն իսկ ժամանակավրէպ են, մինչ Ատրպէյճան 2011-ին Ռուսիայէն գնած է անոնց արդիական տարբերակները:

LEAVE A REPLY

Please enter your comment!
Please enter your name here