«ԺԸՆԵՒ – 2» ԽՈՐՀՐԴԱԺՈՂՈՎԸ ՆՈՅԵՄԲԵՐԻ ՄԷՋ ՏԵՂԻ ՊԻՏԻ ՈՒՆԵՆԱՅ

0
120

Ռուսիոյ նախագահ Սերկէյ Լաւրով յայտարարեց, թէ  Սուրիոյ հակամարտութեան  հարցով  «Ժընեւ -2» խորհրդաժողովը  Նոյեմբերի կէսերուն  տեղի պիտի ունենայ:  Լաւրով  աւելցուց, թէ սոյն թուականը   որոշուած է Միացեալ Նահանգներու պետական քարտուղար Ճոն Քերրիի հետ խորհրդակցաբար: Լաւրով  ընդգծեց, թէ   մասնակից պետութիւններուն թիւը եւ անունները պիտի որոշուին յառաջիկային:

 Իր կարգին, Քերրի  հաստատելէ, ետք «Ժընեւ -2» ը  Նոյեմբերին կայացնելու որոշումը, աւելցուց, թէ   ՄԱԿ-ը եւ Լախտր Իպրահիմին  պիտի   ճշդեն թուականը:  Քերրի  միաժամանակ  բարձր  գնահատեց  քիմիական զէնքերու   չէզոքացման  գործընթացէն ներս նախագահ Պաշշար Ասատի  ցուցաբերած գործակցութիւնը: Գերմանական «Տէր  Շփիկըլ»  պարբերաթերթին տուած հարցազրոյցին ընթացքին, Սուրիոյ նախագահ Պաշշար Ասատ  կը յայտնէ, թէ Գերմանիա կրնայ միջնորդ դառնալ՝  Սուրիոյ   քաղաքացիական  պատերազմը  դադրեցնելու ճիգերուն:  Ասատ  կը մերժէ ահաբեկիչներուն հետ սեղան նստիլ,  մինչեւ որ  վերջիններս վար չդնեն  իրենց զէնքը:

Նախագահ Պաշշար Ասատ Դամասկոսի մէջ ընդունեց Պաղեստինեան Իշխանութեան նախագահ Մահմուտ Ապպասի անձնական ներկայացուցիչ Ապպաս Զաքին:

ՄԱԿ-ի ընդհանուր  քարտուղարի անձնական ներկայացուցիչ  Մարթին  Նեսիրքի յայտարարեց, թէ   քիմիական զէնքի ոչնչաման աշխատանքը սկսած է Սուրիոյ մէջ:

Սուրիոյ  ազգային հաշտեցման նախարար  Ալի Հայտար յայտարարեց, թէ  կառավարութեան եւ  ընդդիմադիր որոշ խմբաւորումներումիջեւ  հաշտութեան բանկցութիւններ տեղի կժունենան:

Դամասկոսի  Պապ Թումա շրջանին վրայ ականանետային   հրետակոծման հետեւանքով  զոհուած է  55-ամեայ Շաւարշ Կարդացողեանը: Հրթիռներ արձակուած են  բնակելի  թաղամասերու, եկեղեցիներու եւ դպրոցներու վրայ: Յատկապէս ծանր   ռմբակոծումի ենթարկուած է  յունական Սուրբ Խաչ  եկեղեցին:

LEAVE A REPLY

Please enter your comment!
Please enter your name here