ՆԱԽԱԳԱՀ ՍԸԼԷՅՄԱՆ ՔՆՆԱՐԿԵՑ ԱՊԱՀՈՎԱԿԱՆ, ԻՐԱՒԱԿԱՆ ԵՒ ՔԱՂԱՔԱԿԱՆ ՀԱՐՑԵՐ

0
108

Հանրապետութեան նախագահ Միշէլ Սըլէյման Պաապտայի պալատին մէջ ընդունեց ներքին գործոց նախարարի պաշտօնակատր Մարուան Շարպէլը  եւ անոր հետ քննարկեց ապահովական  գետնի զարգացումները:Սըլէյման  ընդունեց  Հաւատարմութիւն Դիմադրութեան խորհրդարանական խմբաւորումի պետ երեսփոխան Մուհամմէտ Ռաատը : Ապա ան ընդունեց  երեսփոխաններ  Զիատ  Քատիրին եւ Էլի Քէյրուզը: Սըլէյման՝ գերագոյն ատեանի խորհուրդի  նախագահ, դատախազ Ժան Ֆահտի  հետ քննարկեց  իրաւական հարցեր: Հանրապետութեան նախագահը  ընդունեց պետական անվտանգութեան ընդհանուր տնօրէն  Ճորճ Քարաան, Սուրիոյ  մօտ Լիբանանի դեսպանը եւ այլ անձնաւորութիւններ: Նախագահը  իր բոլոր այցելուներուն առջեւ  շեշտեց  համախմբող կառավարութիւն մը  կազմելու անհրաժեշտութիւնը:

Հրաժարեալ վարչապետ Նեժիպ Միքաթի  վարչապետարանին մէջ   խորհրդակցական նիստ մը գումարեց կարգ մը նախարարներու մասնակցութեամբ եւ քննարկեց Ռումիյէի   բանտին իրավիճակը: Աւելի ուշ, Միքաթի  ընդունեց առողջապահութեան   հրաժարեալ նախարար Ալի Հասան Խալիլը, Լիբանանի մօտ  Ճափոնի դեսպանը: Միքաթի շեշտեց երիտասարդութիւնը  քաղաքական բաժամուներէն հեռու պահելու անհրաժեշտութիւնը:

LEAVE A REPLY

Please enter your comment!
Please enter your name here