ՍԱԼԱՄ ՆՈՐՈՒԹԻՒՆ ՉՈՒՆԻ ԿԱՌԱՎԱՐՈՒԹԵԱՆ ԹՂԹԱԾՐԱՐԻՆ ՎԵՐԱԲԵՐԵԱԼ

0
112

Նորանշանակ վարչապետ Թամամ Սալամ  յայտարարեց, թէ  ելք  կը փնտռէ նոր կառավարութիւնը կազմելու  ուղղութեամբ: Սալամ  նշեց, թէ  մօտիկ ապագային  որեւէ  յառաջընթաց չակնկալեր  քաղաքական  կողմերէն:

Մարտ 14-ի ուժերը  կառավարութեան  կազմութիւնը  անմիջապէս կազմելու   ճնշում սկսած են  բանեցնել յատկապէս Սալամի   վրայ:  Նախատեսութիւններուն  համաձայն,  Մարտ 14-ի տարբեր պատուիրակութիւններ  շարք մը  հանդիպումներ  պիտի ունենան հանրապետութեան նախագահին, խորհրդարանի նախագահին եւ հրաժարեալ վարչապետին հետ՝ վերջ դնելու  երկրին  անդամալուծութեան: Մարտ  14-ի կարգ մը աղբիւրներու  կարծիքով, կառավարական պարապութիւնը  պիտի շարունակուի մինչեւ  նախագահական  ընտրութիւններու ժամանակաշրջանը:

Լիբանանեան կառավարութեան թղթածրարը ներկայ էր Ժընեւի մէջ, ուր խորհրդարանի նախագահ Նեպիհ Պըրիի, լրագրողներու հետ  ճեպազրոյցի մը  ընթացքին  յայտարարեց, թէ Մարտ 8-ի ուժերը,  վարչապետ ՆեժիպՄիքաթի  հաւանութիւն տուած են իր նախաձեռնութեան եւ կը սպասէ Մուսթաքպալ Հոսանքի պատասխանին: Երեսփոխան  Մուհամմէտ Հաժար  յայտնեց, թէ յառաջիկայ շաբթուան ընթացքին հանդիպում մը նախատեսուած է  Նեպիհ Պըրիի եւ  Ֆուատ Սինիորայի միջեւ:

ԼԻԲԱՆԱՆԵԱՆ ԿԱՐՃ ԼՈՒՐԵՐ

-Հրաժարեալ վարչապետ Նեժիպ Միքաթիի կողմէ  լոյս տեսնող  հաղորդագրութեան մը, դիտել կու տայ, թէ պետական  բոլոր հաստատութիւնները,  քաղաքապետութիւնները  15 եւ 16  Հոկտեմբերին պիտի մնան  փակ, Ատհայի տօնին առիթով:

– Քուէյթեան «Ալ Անպա» օրաթերթին համաձայն, Ազէզի  մէջ առեւանգուած  լիբանանցի ուխտաւորներուն թղթածրարը  թեւակոխած է նոր հանգրուան մը : Արդարեւ,  ծայրայեղական  «Տաաշ» կազմակերպութիւնը կ’արգիլէ  առեւանգեալներուն մուտքը  Թուրքիա եւ զանոնք  ազատ արձակելու փոխարէն, լիբանանեան իշխանութիւններէն   կը  պահանջէ  իրեն  համախոհ կարգ մը արգելափակեալներու ազատ արձակումը:

LEAVE A REPLY

Please enter your comment!
Please enter your name here