ԱՏՐՊԷՅՃԱՆ ԱՄԲՈՂՋԱՏԻՐԱԿԱՆ ՎԱՐՉԱՁԵՒԻ ԱՄՐԱՊՆԴՄԱՆ ՆԱԽԱՇԵՄԻՆ

0
114

Ատրպէյճանի  ժողովուրդը այսօր  պիտի  ընտրէ երկրին նոր  նախագահը:  Ընդդիմութեան կարծիքով, նշանակում  տեղի պիտի  ունենայ՝ ընտրութիւններուն փոխարէն, որովհետեւ գործող  նախագահը Իլհամ Ալիեւ,  զարտուղի միջոցներով արդէն իսկ ապահոված իր վերընտրութիւնը: 

Գետնի վրայ,  Ատրպէյճանական իշխանութիւնները կը շարունակեն   ընդդիմութեան նկատմամբ  ճնշումները:  Երկրի տարբեր շրջաններու մէջ  տեղի կ’ունենան  ձերբակալութիւններ: Տիրող կացութեան վերաբերեալ, Եւրոպական Միութենէն  ետք, ՄԱԿ-ը  եկաւ իր անհանգստութիւնը յայտնելու  լրագրողներ հետապնդելու եւ ընդդիմութեան ղեկավարներ ձերբակալելու  դէպքերուն:

Եւրոպական Խորհրդարանը յայտարարեց, թէ մօտէն պիտի  հետեւի Ատրպէյճանի նախագահական  ընտրութիւններուն: Երոպական Խորհրդարանի եօթ պատգամաւորներ միացած են  նախագահական ընտրութիւններուն հետեւող    300 միջազգային դիտորդներուն:

Միացեալ Նահանգներու պետական քարտուղարի տեղակալ Մարի Հարֆ Ատրպէյճանի իշխանութիւններէն պահանջեց կազմակերպել ազատ, արդար եւ թափանցիկ  նախագահական ընտրութիւններ:

LEAVE A REPLY

Please enter your comment!
Please enter your name here