ՀԱՅԱՍՏԱՆ ԿԸ ՊԱՏԱՍԽԱՆԷ ԱԶԵՐԻԱԿԱՆ ԶՐՊԱՐՏՈՒԹԻՒՆՆԵՐՈՒՆ

0
145

Հայաստանի պաշտպանութեան նախարարութիւնը մեկնաբանած է ատրպէյճանական կողմին հրապարակած այն հաղորդագրութիւնը, որուն մէջ նշուած է, որ իբր թէ միջադէպ տեղի ունեցած է սահմանին վրայ:
Պաշտպանութեան նախարարութեան մամլոյ քարտուղար Արծրուն Յովհաննիսեան «Նիուզ»ի թղթակիցին յայտնած է, որ վերջին օրերուն հակառակորդը շարունակած է խախտել զինադադարի դրութիւնը, եւ որոշ պարագաներու հայկական կողմը ստիպուած եղած է պատասխան գործողութիւններու դիմելու: Հայկական կողմէն գերի ինկածներ չկան, նշած է ան։
«Ինթերֆաքս»ը՝ վկայակոչելով ANS պատկերասփիւռի կայանը, յայտնած է, թէ միջադէպը տեղի ունեցած է Կիրակի օր՝ առաւօտեան ժամը 4:00-ի շուրջ: Տուժողներէն մէկը՝ 35-ամեայ Վեզիր Վելիեւը, բեկորային վէրքեր ստանալով հիւանդանոց փոխադրուած է, իսկ 40-ամեայ Ալի Ալիեւի մասին տեղեկութիւններ չկան: Կ՛ենթադրուի, որ միջադէպէն ետք ան փախուստ տուած է: Անոր վիճակը անյայտ է։ Երրորդ բնակիչը՝ 30-ամեայ Հագանի Մագերրամովին ոչինչ պատահած է, ան իր վկայութիւնը տուած է։
Ատրպէյճանի պաշտպանութեան նախարարութիւնը առայժմ ոչ մէկ ձեւով մեկնաբանած է այս հաղորդագրութեան: Յստակ չէ, թէ որո՛նք են սահմանախախտները՝ մոլորած հովիւնե՞ր, թէ յարձակում կատարող խումբի անդամներ:

 

LEAVE A REPLY

Please enter your comment!
Please enter your name here