Հիւրանոցային Եւ Զբօսաշրջութեան Ոլորտի Միջազգային Վարպետները Երեւանի Մէջ

0
102

Երեւանի մէջ հոկտեմբեր 12-ին տեղի պիտի ունենայ Հիւրընկալութեան եւ զբօսաշրջութեան ուսուցման ու մասնագիտական պատրաստութեան միջազգային ընկերակցութեան` EURHODIP-ի տնօրէններու խորհուրդի նիստը:

Պիտի քննարկուին կառոյցի ծիրին մէջ համագործակցութեան ընդլայնման, 2014 թ. EURHODIP-ի հերթական խորհրդաժողովի  հարցերը, ինչպէս նաեւ տեղի պիտի ունենայ միտքերու ու գաղափարներու փոխանակում: Այդ մասին «Արմէնփրէսին»-հետ զրոյցի ընթացքին տեղեկացուց Զբօսաշրջութեան հայկական հիմնարկի տնօրէն Ռոպերթ Մինասեան: EURHODIP-ի տնօրէններու խորհուրդը կը միաւորէ 23 անդամ` տարբեր աշխարհամասերէ:

Մինասեան ըսաւ, որ EURHODIP-ի տնօրէններու խորհուրդի նիստին պիտի քննարկուի նաեւ կառոյցի 23-րդ համաժողովը 2016 թ. Դարձեալ Երեւանի մէջ կազմակերպելու հարցը:
«Տուրիստները, նրանց ցանկութիւններն ու պահանջները տարէցտարի փոխւում են: Անհրաժեշտ է նոր պահանջներին համապատասխան կադրեր պատրաստել:
Հայաստանի համար դա չափազանց կարեւոր է: Մենք պէտք է ինտէգրուենք տուրիստական կադրեր պատրաստող եւրոպական եւ համաշխարհային կրթական համակարգերին»,- ըսաւ Մինասեան: Զբօսաշրջութեան հայկական հիմնարկի տնօրէնը այդ ոլորտի յաջողութեան չափորոշիչ կը համարէ զբօսաշրջութենէն պետական պիւտճէ մտնող գումարները եւ այդ ոլորտին մէջ ստեղծուող աշխատատեղերը:

EURHODIP-ի տնօրէններու խորհուրդի նիստը կազմակերպած է Զբօսաշրջութեան հայկական հիմնարկը` Տնտեսութեան, Կրթութեան եւ գիտութեան նախարարութիւններու, Երեւանի քաղաքապետարանի, Ազգային մրցունակութեան հիմնադրամի, USAID (EDMC)-ի, «Աւարայր Տուր» ընկերութեան եւ այլ կազմակերպութիւններու աջակցութեամբ:

Զբօսաշրջութեան հայկական հիմնարկը 2010 թուականէն EURHODIP-ի անդամ է, ուսումնական հաստատութեան տնօրէն Ռոպերթ Մինասեան` այդ կառոյցի տնօրէններու խորհուրդի անդամ: EURHODIP-ին մէջ ներկայացուած են 39 երկրի աւելի քան 150 հիւրանոց ու զբօսաշրջութեան ոլորտի ուսումնական հաստատութիւն:Զբօսաշրջութեան հայկական հիմնարկը եւ համալսարանի ուսանողուհի Մարիեթա Վանոյեան այս տարի դարձած էին EURHODIP-ի հիւրանոցային կառավարման ու սպասարկման ոլորտի ուսանողական նախագիծերու ամէնամեայ MARIANNE MULLER մրցոյթի յաղթողներ:

LEAVE A REPLY

Please enter your comment!
Please enter your name here