ՄԱՐԶԱԿԱՆ – ՊԷՅԼ՝ ՈՒԷՅԼԶԻ ԼԱՒԱԳՈՅՆ ՖՈՒԹՊՈԼԻՍՏԸ ԸՆՏՐՈՒԵՑԱՒ

0
148

Ռէալ Մատրիտի  միջնապահ Կարէթ Պէյլ ընտրուեցաւ  ընթացիկ տարուան Ուէյլզի  լաւագոյն  ֆութպոլիստը: 24-ամեայ  ֆութպոլիստը  երրորդ անգամ ըլլալով կ’արժանանայ  սոյն տիտղոսին:

ՍԻՄՈՆԵԱՆ ԿԸ ՓԱՓԱՔԻ ՈՐ ԳԱՓԵԼՕ  ՇԱՐՈՒՆԱԿԷ ՄԱՐԶԵԼ ՌՈՒՍԻՈՅ ՀԱՒԱՔԱԿԱՆԸ

Ռուսիոյ  ֆութպոլի ֆետերասիոնի փոխնախագահ Նիթիքա Սիմոնեան  մաղթեց, որ  Մոնտիալ 2014-էն ետք Ֆապիօ Գափելօ  շարունակէ  մնալ Ռուսիոյ հաւաքականի գլխաւոր  մարզիչի  պաշտօնին վրայ:« Եթէ կը փափաքիք  իմանալ կարծիքս, ես պիտի ուզէի, որ  Գափելօ հաւաքականին հետ աշխատէր  մինչեւ Մոնտիալ 2018-ի առաջնութիւնները». յայտարարեց  Սիմոնեան:

Ֆապիօ  Գափելօ  վերջ դրաւ Իտալիա  վերադառնալու մասին  տեղեկութիւններուն,  յայտարարելով, թէ մինչեւ  2018 պիտի շարունակէ մնալ Ռուսիոյ հաւաքականին հետ:

ՀԱՅԱՍՏԱՆ ՇԱՀԵՑԱՒ ԽՄԲԱՅԻՆ  ԱՁՈՅԵԱՆՈՒԹԻՒՆԸ

Երեւանի մէջ աւարտեցաւ  սուսերամարտի   միջազգային  մրցաշարը՝ նուիրուած սուսերամարտի միջազգային ֆետերասիոնի  հիմնադրութեան 100-ամեակին: Մրցաշարքին կը  մասնակցէին Հայաստանի, Վրաստանի, Իրանի, Քուէյթի եւ Ռուսիոյ   պատանեկան  հաւաքականները: Հայաստանի հաւաքականը  գրաւեց խմբային առաջնութեան առաջին դիրքը:

 

LEAVE A REPLY

Please enter your comment!
Please enter your name here