ՆԱԽԱԳԱՀ ՍԸԼԷՅՄԱՆ ԿԸ ՇԵՇՏԷ ԵՐԿԽՕՍՈՒԹԵԱՆ ՍԵՂԱՆ ՎԵՐԱԴԱՌՆԱԼՈՒ ԱՆՀՐԱԺԵՇՏՈՒԹԻՒՆԸ

0
96

Հանրապետութեան նախագահ Միշէլ Սըլէյման   Պաապտայի պալատին մէջ ընդունեց արտաքին գործոց նախարարի  պաշտօնակատար Ատնան  Մանսուրը  եւ անոր հետ քննարկեց  ներլիբանանեան  բեմի վերջին զարգացումները:  Սըլէյման  դատապարտեց Ուատի Հըմէյիտի մէջ  շտապ  օգնութեան  ինքնաշարժի մը  վրայ  սուրիական հրթիռներով  յարձակումը: Սըլէյման քաղաքական բոլոր ուժերէն  պահանջեց յանձնառու մնալ Պաապտայի   Յայտարարութեան  եւ  ազգային  երկխօսութեան սեղանին վրայ լուծել   հիմնական տարակարծութիւնները:

Նաւթի  թղթածրարը  քննարկելու նպատակով կառավարութեան նիստ  գումարելու շուրջ բանավէճը կը շարունակուի տակաւին: Հրաժարեալ վարչապետը    ընդհանրապէս կը մերժէ  քննարկութեան  օրակարգերու վրայ  ներկայացնել  այս  թղթածրարը, մինչ հանրապետութեան նախագահը, Նեպիհ Պըրրի եւ Ուալիտ Ճոմպլաթ պատճառ մը չեն տեսներ յատուկ  նիստ մը այս  օրակարգին  շուրջ:

Միւս կողմէ, Ընկերվար Յառաջդիմական Կուսակցութիւնը Մարտ 8-ի եւ 14-ի ուժերուն վերագրեց  կառավարութիւն չկազմելու պատասխանատուութիւնը: Յառաջդիմական Կուսակցութեան կարծիքով, Հըզպալլայի  մասնակցութիւնը նոր կառավարութեան մէջ բնական եւ  տրամաբանական  քայլ մըն է: Քաղաքական  որոշ  հոսանքներու կարծիքով, նոր կառավարութիւն կազմելու փոխարէն, հրաժարեալ կառավարութիւնը   վերականգնելու   ճիգեր տեղի կ’ունենան  քուլիսներու ետին:

Հրաժարեալ վարչապետ  Նեժիպ Միքաթի վարչապետարանին մէջ  ընդունեց ՄԱԿ-ի  ընդհանուր  քարտուղարի անձնական ներկայացուցիչ  Տերէք Փլամլին: Միքաթի  նաեւ ընդունեց նախկին նախարար Ուիամ Ուահապը: Միքաթի իր այցելուներուն հետ քննարկեց քաղաքական եւ ապահովական հարցեր: Ան մաղթեց, որ  պաղեստինցիները  մերժեն արդարութենէն փախուստ տուողներու կեդրոնավայրի  վերածել  իրենց գաղթակայանները:

LEAVE A REPLY

Please enter your comment!
Please enter your name here