ՏԱՒՈՒՏՕՂԼՈՒ ԿԸ ՓԱՓԱՔԻ ՀԱՆԴԻՊՈՒՄ ՄԸ ՈՒՆԵՆԱԼ ՄՈՐՍԻԻ ՀԵՏ

0
109

Եգիպտոսի վայրագութեան ալիքները  հարցականի տակ կը դնեն երկրին ճակատագիրը: Միջազգային  եւ  շրջանային  միջնորդութեան  ճիգերը ցարդ կը մնան ապարդիւն:  Երկրին տնտեսական  իրավիճակը կը մնայ  նոյնքան մտահոգիչ, որքան  քաղաքականը:Թուրքիա  Եգիպտոսի  ղեկավարութենէն խնդրեց, որ արտաքին  գործոց նախարար Ահմէտ Տաւուտօղլու հանդիպում մը ունենայ նախկին նախագահ Մոհամմէտ Մորսիի հետ: Այս  առիթով, Անգարա պատրաստակամութիւն յայտնեց  ճանչնալու եւ հանդիպում մը ունենալու  նոր կառավարութեան հետ, սակայն այն պայմանով որ Մորսիի հետ հանդիպելու առիթ  ընծայուի Տաւուտօղլուին:

«Սքայ Նիուզ» հաղորդեց, թէ  Եգիպտոսի  կառավարութիւնը պետութեան մօտ արձանագրուած  միութիւններու  անուանացանկէն  ջնջած  է Իսլամական Եղբայրակցութեան անունը:

Ըստ  իսրայէլեան  մամուլին եւ արաբական  կարգ մը լրատուական կայաններու, Եգիպտոսի պաշտպանութեան նախարար Ապտէլ Ֆաթահ Սիսի Իսրայէլին խոստացած է, թէ բանակը   Եգիպտոսը պիտի մաքրէ  իսլամիստներէն:

LEAVE A REPLY

Please enter your comment!
Please enter your name here