ԹՈՒՐՔԻԱ ԴԱՐՁԱԾ Է ՀԱՐՑԵՐ ՅԱՐՈՒՑՈՂ ԵՐԿԻՐ

0
140

Գերմանական «Եուրոփա Էքսփրես» ռուսալեզու թերթը վերի խորագիրին ներքեւը կը գրէ, թէ Թուրքիա զարգացող տնտեսութեամբ երկիր մըն էր վերջին քանի մը տարիներուն, սակայն հիմա այլեւս փոխակերպուած է՝ դառնալով հարցեր յարուցանող երկիր մը։
Թերթը նկատել տուած է, թէ մէկ տոլարը սկսած է երկու թրքական լիրա արժելու, մինչ հինգ տարի առաջ 1.3 լիրա կ՛արժէր, իսկ Ներքին ընդհանուր արտադրութեան կշռոյթը նոյն միջոցին 6 տոկոսէն նուազած է 2.2 տոկոսի։
«Էրտողանի կառավարութիւնը կը շարունակէ ամէն ինչ վարդագոյն ձեւացնել՝ կրկնելով, որ իշխանութեան 11 տարիներուն ընթացքին քաղաքացիներուն եկամուտը եռապատկուած է։ Սակայն իրավիճակը արմատապէս փոխուած է։ Թուրքիա, զարգացող միւս պետութիւններուն նման, կը տառապի դրամագլուխի արտահոսքէն։ Այդ դրամագլուխը կը փոխադրուի Ամերիկա, որովհետեւ ներդրողներ կը վստահին այդ երկրին մէջ տոկոսներու աճին», գրուած է յօդուածին մէջ:

LEAVE A REPLY

Please enter your comment!
Please enter your name here