ԼԻԲԱՆԱՆԵԱՆ ԿԱՐՃ ԼՈՒՐԵՐ

0
101

 

-Ներքին գործոց նախարար Մարուան Շարպէլ  հերքեց Ազէզի մէջ առեւանգուած  լիբանանցիները ազատ արձակելու մասին տեղեկութիւնները:  Նախարարը նշեց, թէ  բանակցութիւններ  տեղի կ’ունենան, անոնց ազատ արձակումը ապահովելու նպատակով, սակայն՝ ոչ  մօտակայ  ժամերուն, ինչպէս  կը հաղորդեն  լրատուական կարգ մը աղբիւրներ:

-Ներքին անվտանգութեան  ուժերուն կողմէ  ձերբակալուած  լիբանանեան եւ սուրիական քաղաքացիութեամբ երեք անձերուն  հետ կատարուած  հետաքննութիւնները բացայայտած են, թէ  անոնք  ծրագրած են  ահաբեկել Մարտ 8   քաղաքական խմբաւորումին պատականող անձնաւորութիւններ: Անվտանգութեան ուժերէն աղբիւր մը յայտնեց, թէ  պետութիւնը 28  Սեպտեմբերէն  ի վեր  կը հետեւէր  վերոյիշեալ երեք  կասկածելիներուն քայլերուն:

-Լիբանանեան Ուժեր Կուսակցութեան գործադիր խորհուրդի  պետ Սամիր Ժաաժա պահանջեց անմիջապէս  կազմել կառավարութիւնը եւխորհրդարանին հայեցողութեան ձգել վստահութեան հարցը:  Ժաաժա նշեց, թէկառավարութեան տագնապը կարելէ չէ  աւելի ուշացնել, մանաւանդ  երբ սկսած  է մօտենալ նախագահական ընտրութիւններու գործընթացը:

-Երեսփոխան  Ժան Օղասապեան  դիտել տուաւ, թէ վստահութիւնը  խախտած է   գործող կառավարութեան հանդէպ, հետեւաբար  անկարելի է  նաւթի  նման կենսական  թղթածրար մը   յանձնել  անոր հայեցողութեան: Օղասապեան նշեց, թէ Մուսթաքպալ  հոսանքը կը պահանջէ ժողովուրդին  կենցաղային հարցերը տնօրինող   ներդաշնակ կառավարութիւն:

– Մարտ  14-ի  ուժերու  ընդհանուր քարտուղարութիւնը  գումարեց նիստ մը եւ  քննարկեց Լիբանանեան բեմին վերջին զարգացումները:  Նիստի աւարտին լոյս ընծայուեցաւ հաղորդագրութիւն մը, որուն  մէջ Մարտ 14-ի ուժերը  հանրապետութեան նախագահէն եւ նորանշանակ վարչապետէն կը պահանջեն շուտափոյթ կազմել նոր կառավարութիւնը:

-Նաքուրայի մէջ, ՖԻՒՆԻԼ-ի խաղաղապահ ուժերու հովանաւորութեան տակ, եռակողմ   հանդիպում մը  կայացաւ լիբանանեան եւ իսրայէլեան բանակի սպաներու մասնակցութեամբ: Հանդիպման մասնակիցները  քննարկեցին թիւ1701 բանաձեւին գործադրութեան հետ առնչուած  հարցեր:

 

LEAVE A REPLY

Please enter your comment!
Please enter your name here