Կայացաւ Լրագրողներու համահայկական 6-րդ համաժողովի համակարգող մարմնի նիստը

0
113

Չորեքշաբթի, 9 Հոկտեմբերին  կայացաւ Լրագրողներու Համահայկական 6-րդ համաժողովի համակարգող մարմնի նիստը: Ողջունելով նիստի անդամներուն ու հիւրերուն՝ ՀՀ սփիւռքի նախարար Հրանոյշ Յակոբեանը շնորհակալութիւն յայտնեց լրագրողներուն սփիւռքի հիմնախնդիրները վեր հանելու, լուսաբանելու և լուծմանը նպաստելու համար: Ապա նախարարը ամփոփ ներկայացուց սփիւռքի նախարարութեան կայացման 5 տարիները, ծրագիրները ու միջոցառումները: «Սփիւռքի նախարարութեան կայացման գլխաւոր դերակատարը Սփիւռքն է, առանց որուն մեր ծրագիրները պարզապէս չէին իրականանար». ըսաւ ան:

Համակարգող մարմնի նախագահ, Լիբանանի «Ազդակ» օրաթերթի գլխաւոր խմբագիր Շահան Գանտահարեանը շնորհաւորեց ՀՀ սփիւռքի նախարարութեան 5 ամեայ յոբելեանի առթիւ եւ խօսքը փոխանցեց հեռակապով նիստի անդամներուն միացած «Արմինիըն միրըր սփեքթէյթըր» պարբերականի խմբագիր եւ հայկական լրատուամիջոցներու համակարգող խորհուրդի անդամ Յակոբ Վարդիվառեանին:

Ընթացիկ աշխատանքներու մասին հակիրճ զեկոյցներով հանդէս եկան նաեւ համակարգող մարմնի միւս անդամները:

Միջին Արեւելքի իրադարձութիւններու, համայնքային խնդիրներու լուսաբանման եւ թրքական գործօնի վերաբերեալ զեկուցումով հանդէս եկաւ Շահան Գանտահարեանը:

ՀՀ սփիւռքի նախարարութեան կողմէ 2013թ. Սփիւռքի լրագրողներու համար   կազմակերպած դասընթացներու եւ անոնց արդիւնքներու մասին զեկուցեց մամուլի եւ հասարակայնության հետ կապերու վարչութեան պետ Էվելինա Բաղդասարեանը:

ՀՀ սփիւռքի նախարարի տեղակալ Սերժ Սրապիոնեանը առաջարկեց լրագրողներու դպրոցի ծրագրին մէջ ընդգրկել Սփիւռքի լաւագույն ցեղասպանագէտներու դասախօսութիւնները:

Լրագրողներու համահայկական 7-րդ համաժողովի թեմայի, ձեւաչափի, վայրի ու ժամկէտի վերաբերեալ առաջարկութիւնները ամփոփեց ՀՀ սփիւռքի նախարար Հրանոյշ Յակոբեանը:

 

 

 

LEAVE A REPLY

Please enter your comment!
Please enter your name here