ՀԱՅԱՍՏԱՆ ՌՈՒՍԱԿԱՆ ՇՈՒԿԱՅԻ ԳԻՆԵՐՈՎ ՊԻՏԻ ԳՆԷ ԲՆԱԿԱՆ ԿԱԶԸ

0
130

 

Մաքսային միութեան միանալէն ետք Հայաստան Ռուսիայէն կազը պիտի գնէ ռուսական շուկայի գիներով: Այս մասին Ազգային ժողովին նիստէն ետք լրագրողներուն հետ ունեցած զրոյցին ընթացքին յայտնած է Հայաստանի ուժանիւթի եւ բնական պաշարներու նախարար Արմէն Մովսիսեանը:
«Մենք բաւական մեծ աշխատանք ենք կատարել ռուսական կողմի հետ գազի գնի 30 տոկոսի փոխհատուցման շուրջ: Այն պահից սկսած, երբ Հայաստանը յայտարարեց Մաքսային միութեանը միանալու իր որոշման մասին, այդ պայմանագիրն էլ, համապատասխանաբար, փոփոխութեան ենթարկուեց: Այն աւելի է պարզեցուել: Շուտով պայմանագիրը կը կնքուի: Յոյս ունենք, որ մինչեւ տարեվերջ այդ պայմանագիրը կը ստորագրուի: Այդ պարզեցումը նշանակում է, որ արտահանման հարկերը, որոնք կան ռուսական տնտեսական դաշտում, այլեւս չեն կիրառուելու Հայաստան ներկրուող գազի վրայ: Դա կազմում է շուրջ 30 տոկոս, ինչը նշանակում է, որ Հայաստան ներկրուող գազը լինելու է գազի՝ ռուսական շուկայի գին՝ գումարած տրանսպորտային ծախսերը, որով այն կը հասնի Հայաստան», յայտնած է Արմէն Մովսիսեանը: Նախարարին համաձայն, այս պարագային կազի գինը՝ իւրաքանչիւր 1000 խորանարդի համար պիտի արժէ 189 տոլար: Արմէն Մովսիսեանի համաձայի, եթէ նախապէս կազի գինին վերաբերեալ բանակցութիւնները կը կատարուէին հինգ տարուան համար, որոնց ընթացքին կազը ճշդուած գինով պիտի մատակարարուի, այժմ, նոր համաձայնութեամբ, ժամկետային սահմանափակում չկայ: «Հայաստանին մատակարարուելիք գազի գինը կախուած կը լինի Ռուսաստանի ներքին շուկայում գործող գներից», աւելցուցած է Արմէն Մովսիսեանը:
Անդրադառնալով Հայաստանի՝ Մաքսային միութեան անդամակցելու ժամկէտներուն, Արմէն Մովսիսեանը նշած է, որ անիկա ժամանակ առնող գործընթաց է, եւ ժամկէտներուն մասին ստոյգ ոչինչ կարելի է ըսել։ «Բաւական բարդ գործընթաց է, շուրջ 120 պայմանագիր պէտք է համապատասխանեցուի: Այժմ օր ու գիշեր աշխատանք է տարւում այդ ուղղութեամբ, բայց կոնկրէտ ժամկէտ դժուար է ասել», նշած է նախարարը:
Նշենք, որ Հանրային ծառայութիւնները կարգաւորող յանձնաժողովը 7 Յունիսին՝ քննարկելով «Հայռուսգազարդ»ի 14 Մայիսի դիմումը, վերանայած է սպառողներուն համար կազի սակը, որոշած է բնակչութեան համար 1 խմ կազի գինը բարձրացնել 18 տոկոսով՝ մինչեւ 156 դրամ, իսկ մեծ սպառողներուն համար 14 տոկոսով՝ մինչեւ 276,98 տոլար՝ 1000 խորանարդ մեթրի համար:

 

LEAVE A REPLY

Please enter your comment!
Please enter your name here