ԵԱՀԿ ՔՆՆԱԴԱՏԵՑ ԱՏՐՊԷՅՃԱՆԻ ՆԱԽԱԳԱՀԱԿԱՆ ԸՆՏՐՈՒԹԻՒՆՆԵՐՈՒՆ ԸՆԹԱՑՔԸ

0
113

ԵԱՀԿ առաքելութեան դիտորդներ  լուրջ  քննադատութիւններ արձանագրեցին Ատրպէճանի նախագահական  ընտրութիւններուն վերաբերեալ:  Դիտորդներու  ղեավար Միշէլ  Վուաս յատկապէս  կեդրոնացաւ ձայներու  հաշուարկի ընթացքին  պատահած  թերութիւններուն վրայ:

Ինչպէս կ՛ակնկալուէր, Ատրպէյճանի նախագահական ընտրութիւնները վերջ  գտան  գործօղ նախագահ Իլհամ Ալիեւի յաղթանակով:  Ան ստացաւ  քուէներուն  84.72  առ հարիւրը:
Մնացեալ  ինը  թեկնածուներուն մէջ ամենաշատ քուէները խլած Ճամիլ Հասանլի`5.18 առ  հարիւր յայտարարեց, թէ ընտրական օրէնքներու բազմաթիւ խախտումներ արձանագրուած են:
Ընտրութեանց մասնակցած են քուէարկելու իրաւունք ունեցող քաղաքացիներուն 66.85 առ հարիւրը:
Մարդկային իրաւանց պաշտպան կազմակերպութիւններ, տարբեր առիթներով քննադատած են ընդդիմութեան դէմ կառավարութեան կողմէ շարունակուող հալածանքը եւ ճնշումները, որոնք անկարելի դարձուցին  իսկական ժողովրդավարական ընտրութիւնները:
Ընտրութեանց նախօրեակին, Միացեալ Նահանգներու պետական քարտուղարութիւնը  կոչ ըրած էր Ատրպէյճանի իշխանութիւններուն, որ պաշտպանեն կարծիք արտայայտելու ու հաւաքներ կատարելու հիմնարար ազատութիւնները:

Ատրպէյճանի նախագահը՝ ժողովրդային յաղթանակ անուանեց իր  ընտրութիւնը եւ   շնորհակալութիւն յայտնեց բոլոր անոնց, որոնք վստահած են իրեն՝ քուէարկելով յօգուտ իրեն: Միւս կողմէ,  ընդդիմութիւնը մերժեց  ճանչնալ կեղծուած  ընտրութիւններուն արդիւնքը եւ որոշեց  հաւաքներով արտայայտել իր  բողոքը:

LEAVE A REPLY

Please enter your comment!
Please enter your name here