ԵՒՐՈՊԱԿԱՆ ԽՈՐՀՐԴԱՐԱՆԸ ԴԻՒՐԱՑՈՒՑ ՀԱՅԱՍՏԱՆԻ ՀԵՏ ԱՆՑԱԳԻՐՆԵՐՈՒ ԴՐՈՒԹԻՒՆԸ

0
125

Եւրոպական խորհրդարանը  հաւանութիւն տուաւ անցագիրներու դիւրացման այն համաձայնութեան, որ  նուազ խոչընդոտներ  պիտի ստեղծէ  Հայաստանի քաղաքացիներուն  առջեւ, կարճաժամկէտ   ճանապարհորդութիւններու  ժամանակ: Նոր կանոնները  պիտի արագացնեն  կարճաժամկէտ (90-180 օր),  անցագիրներու  ընթացակարգը: Սոյն համաձայնագիրը ուժի մէջ պիտի մտնէ  Հայաստանի եւ Եւրոպական Միութեան  անդամ երկիրներու  ներպետական վաւերացման գործընթացի աւարտէն ետք:

Նշենք,  թէ  ընթացիկ տարուան  10-ը Յունուարին,  Հայաստան  միակողմանիօրէն   ջնջեց  Եւրոպական Միութեան անդամ երկիրներու եւ Զուիցերիոյ  քաղաքացիներուն համար մուտքի անցագրային դրութիւնը: Այդ օրէն  սկսեալ,  Եւրոպական Միութեան անդամ երկիրներու  քաղաքացիները կրնան ազատօրէն այցելել Հայաստան եւ առանց անցագրի  մնալ 90  օր:

Եւրոպական  Միութեան  ընդլայման  եւ դրացնութեան  քաղաքականութեան  հարցերով  յանձնակատար Շթեֆան  Ֆիուլէ իր ուրախութիւնը արտայայտեց, որ Եւրոպական Խորհրդարանը  հաւանութիւն տուաւ Եւրոպական Միութեան եւ Հայաստանի միջեւ անցագրային դրութիւնը դիւրացնելու մասին համաձայնագրին:

LEAVE A REPLY

Please enter your comment!
Please enter your name here