ԷՐՏՈՂԱՆՆ ԱԼ ԿԱՌՈՒՑԱԾ Է ԵԿԵՂԵՑԻ…

0
129

Այս մէկը   տարուան  յայտնութիւններէն պիտի ըլլայ հաւանաբար…: Թուրքիոյ վարչապետը եկեղեցի ալ կառուցած  է եղեր…: Արդարութիւն եւ Բարգաւաճում Կուսակցութեան ղեկավարը յայտարարած է, թէ  իրենք կառուցած եւ  բացած  են Վանայ Լիճի Աղթամար Կղզիին Սուրբ Խաչ  եկեղեցին:

Թրքական «Անատոլու»  գործակալութեան  փոխանցմամբ, Թուրքիոյ  վարչապետ Ռեճէպ Թայիփ Էրտողան  իր  կուսակցութեան խորհրդարանական խմբակցութեան  ժողովին ընթացքին խօսած է Թուրքիոյ մէջ իրենց կողմէ  վերանորոգուած  եկեղեցիներուն մասին: Աղթամարի Սուրբ  եկեղեցւոյ   վերաբերեալ  յայտարարած  է.« Վանի Աղթամարը մենք կառուցեցինք եւ բացինք:  Տարսոնի  եկեղեցին ալ, Սումելայի վանքն ալ մենք բացինք»:

Նշենք, թէ  Վանի  Աղթամար կղզիի վրայ  գտնուող Սուրբ Խաչ եկեղեցին կառուցած է Վասպուրականի Գագիկ Արծրունիիշխանը՝ 915-921 թուականներուն միջեւ, եւ ոչ՝ Էրտողանը: Սուրբ Խաչ  եկեղեցին պարզապէս նորոգուած է  Էրտողանի  ժամանակաշրջանին, որովհետեւ անոր նախահայրերը  քանդած են զայն: Ներկայիս Սուրբ Խաչ  եկեղեցին այցելուներուն  առջեւ բաց է՝  իբրեւ թանգարան…:

LEAVE A REPLY

Please enter your comment!
Please enter your name here