ՆԱԽԱԳԱՀ ՍԸԼԷՅՄԱՆ ՔՆՆԱՐԿԵՑ ՔԱՂԱՔԱԿԱՆ ԵՒ ԱՊԱՀՈՎԱԿԱՆ ՀԱՐՑԵՐ

0
118

Հանրապետութեան նախագահ Միշէլ Սըլէյման Պաապտայի  պալատին մէջ ընդունեց Մուսթաքպալ Հոսանքի պետ Ֆուատ  Սինիորան եւ քննարկեց նոր կառավարութիւն կազմելու կարելիութիւնները: Սըլէյման  ընդունեց առողջապահութեան նախարարի պաշտօնակատար  Ալի Հասան Խալիլը, ԵՈՒՆԵՐՎԱ-յի  ընդհանուր բանագնաց  Ֆիլիփօ Կրանտին, որուն  հետ քննարկեց  Լիբանանի մէջ  տեղակայուած պաղեստինցի գաղթականներուն  պայմանները  բարելաւելու  վերաբերեալ հարցեր: Հանրապետութեան նախագահը,  բանակի գաղտնի սպասարկութեան տնօրէն, գնդապետ Էտմոն Ֆատէլի հետ  քնանրկեց  Թրիփոլիի եւ Պաալպէքի ապահովական իրավիճակը:

Փոխվարչապետ Սամիր Մոքպէլ  նշեց, թէ  հանրապետութեան նախագահին  Սէուտական Արաբիա այցելութիւնը կը մնայ ուժի մէջ, սակայն անիկա  յետաձգուած է,սպասելով   շրջանային զարգացումներու արդիւնքին:

Ներքին գործոց նախարար  Մարուան Շարպէլ  հանդիպում մը ունեցաւ   հրաժարեալ վարչապետ Նեժիպ Միքաթիի հետ եւ քննարկեց  Թրիփոլի քաղաքին մէջ գործադրութեան  դրուած ապահովական ծրագիրը: Հանդիպումէն ետք, Շարպէլ դիտել տուաւ, թէ ծրագիրին գործադրութիւնը որոշ  դժուարութիւններու հետ կը   բախի Թրիփոլիի մէջ: Շարպէլ   նշեց, թէ յառաջիկայ  օրերուն  յաւելեալ ապահովական միաւորներ պիտի  տեղակայուին  հիւսիսային Լիբանանի մայրաքաղաքին մէջ: Միքաթի նաեւ  ընդունեց   երեսփոխան Աքրամ Շըհէյիպը,  զբօսաշրջութեան նախարար  Ֆետի Ապուտը եւ այլ անձնաւորութիւններ:

LEAVE A REPLY

Please enter your comment!
Please enter your name here