ՊԼՈՒՄՊԸՐԿ ԱՂԷՏ ԿԸ ՆԱԽԱՏԵՍԷ՝ ՈՒԱՇԻՆԿԹԸՆ ՊԱՐՏՔԵՐԸ ՉՄԱՐԵԼՈՒ ՊԱՐԱԳԱՅԻՆ

0
119

Գործարարութեան մարզին նուիրուած հեղինակաւոր «Պլումպըրկ» լրատու գործակալութիւնը կը հաղորդէ, որ եթէ Միացեալ Նահանգներ անկարող դառնայ իր պարտքերը վճարելու, ապա Պրազիլէն մինչեւ Ցիւրիխ ելեւմտական շուկաներուն մէջ աւերիչ հետեւանքներ պէտք է ակնկալել, որովհետեւ նման իրողութիւն մը կրնայ կասեցնել հինգ եռիլիոն տոլար արժողութեամբ վարկային մեքենան, որ կախեալ է Ամերիկայի պետական պարտատոմսերէն:«Նման պայմաններու տակ տոլարի արժէքը անկում պիտի կրէ եւ ամբողջ աշխարհը պիտի մղէ տնտեսական տագնապալի ընկճուածութեան եւ սնանկութեան», կը նշէ «Պլումպըրկ»:
Միացեալ Նահանգներու սահմաններէն դուրս, ամերիկեան պետական պարտատոմսերու գիներուն անկումը մեծագոյն վնասը պիտի հասցնէ Չինաստանին եւ Ճափոնին, որոնք ունին յաջորդաբար 1.3 եռիլիոն եւ 1.1 եռիլիոն տոլար արժողութեամբ ամերիկեան պարտատոմսեր:
Նախապէս Միացեալ Նահանգներու ելեւմուտքի նախարարութիւնը նախազգուշացուցած էր, որ մինչեւ 17 Հոկտեմբեր հաշուեկշիռի վրայ պիտի մնայ երեսուն միլիառ տոլար, մինչ օրական ծախսերը երբեմն կրնան մինչեւ 60 միլիառ տոլարի հասնիլ:

LEAVE A REPLY

Please enter your comment!
Please enter your name here