ԼԻԲԱՆԱՆԵԱՆ ԿԱՐՃ ԼՈՒՐԵՐ

0
108

-Ներքին գործոց նախարարի պաշտօնակատար Մարուան Շարպէլ դիտել տուաւ, թէ նոր կառավարութիւն չկազմուելու պարագային, նախագահ Միշէլ Սըլէյմանի վերընտրութիւնը ինքնաբերաբար իրականութիւն պիտի դառնայ: Նախարարը  առանց  թուական  նշելու,  յայտնեց, թէ առեւանգեալներուն թղթածրարը կը մօտենայ ուրախ աւարտին:

– Ելեւմտական հարցերու նախարար Մուհամմէտ Սաֆատի Նիւ Եորքի մէջ  հանդիպում մը ունեցաւԵլեւմտական Միջազգային Հիմնարկի  տնօրէն Քրիսթին Լակարտի հետ եւ  անոր ներկայացուց   սուրիացի գաղթականներուն հոսքին հետեւանքով  Լիբանանի  դիմագրաւած  տնտեսական եւ  ընկերային  դժուարութիւնները:

– Խորհրդարանի նախագահ Նեպիհ Պըրրի ներողամտութիւն յայտնեց, որ շնորհաւորանքներ պիտի չընդունի   Ատհայի  տօնին առիթով:  Պըրրի՝ խաղաղութիւն ու կայունութիւն  մաղթեց  Լիբանանին եւ  համայն արաբական աշխարհին: Պըրրի շնորհաւորագիրներ ստացաւ Ատհայի տօնին առիթով, որոնց մէջ Միացեալ Նահանգներու նախագահ Պարաք Օպամայէն:

-Կաթողիկէ վարժարաններու ընդհանուր քարտուղար  հայր Պութրոս Ազար  յայտարարեց, թէ Կաթողիկէ վարժարանները Ատհայի  տօնին առիթով փակ պիտի մնան երեքշաբթի եւ Չորեքշաբթի, 15եւ 16 Հոկտեմբերին:

LEAVE A REPLY

Please enter your comment!
Please enter your name here