ՄԱՐԶԱԿԱՆ – ՆԱԽԱԳԱՀ ՍԵՐԺ ՍԱՐԳՍԵԱՆ ՊԱՏՈՒԵՑ «ԱՐԱՐԱՏ-73»Ի ՖՈՒԹՊՈԼԻՍՏՆԵՐԸ

0
142

Հայաստանի  հանրապետութեան նախագահ Սերժ Սարգսեան  մասնակցեցաւ հայկական  ֆութպոլի փառապանծ էջը կերտող «Արարատ -73» ի մեծարման  հանդիսութեան:  1973 թուականին, Երեւանի  «Արարատ»ը մէկ  մարզաշրջանի ընթացքին նուաճեց Խորհրդային Միութեան ֆութպոլի ախոյեանութեան տիտղոսը  եւ բաժակը: Զոյգ յաղթանակներուն քառասուն ամեակին առիթով  կազմակերպուած հանդիսութեան ընթացքին, նախաագահ Սերժ Սարգսեան արժեւորեց «Արարատ»ի  փառապանծ  յաղթանակները,  ինչպէս նաեւ հայկական ֆութպոլի  զարգացման մէջ անոնց  աւանդը: Նախագահ Սարգսեան ընդգծեց, թէ  « Արարատ»ը մեր ժողովուրդի մեծագոյն  նուաճումներէն  մէկն է:« Մեր ժողովուրդը «Արարատ»ի յաղթանակներուն մէջ կը տեսնէր  իր ազգային արժապատուութիւնը:« Արարատ»ը  ոգեւորութիւն  ստեղծեց  Հայաստանի մէջ, հայ  ժողովուրդի մէջ եւ  իւրաքանչիւր հայ, ուր ալ որ ապրէր՝ Հայաստանի մէջ, Հայաստանէն դուրս,   հպարտութիւն կը զգար».ըսաւ ան:

Նախագահ Սերժ Սարգսեան իր եւ  համայն հայ ժողովուրդի  անունով  շնորհակալութիւն յայտնեց «Արարատ-73»ի վեթերաններուն,անոնց մաղթելով առողջութիւն եւ ցանկալով, որ անոնք միշտ ըլլան Հայաստանի  այժմու հաւաքականի եւ  ֆութպոլիստներուն  կողքին:

Մարմնամարզութեան նախարար Եուրի Վարդանեանը «Արարատ-73»ի  շարք մը ֆութպոլիստներու շնորհեց  միջազգային  կարգի վարպետի  կոչում, ինչպէս նաեւ՝ մարմնակրթութեան  եւ մարմնամարզութեան պատուաւոր աշխատողի կոչումներ: Ան իւրաքանչիւրին  պարգեւատրեց Ոսկէ  մետալով եւ յուշամետալով: Հայաստանի  ֆութպոլի ֆետերասիոնի նախագահութիւնը «Արարատ-73»ի բոլոր վեթերաններուն յանձնեց  նիւթական պարգեւներ:

LEAVE A REPLY

Please enter your comment!
Please enter your name here