ԲԱԿՕ ՍԱՀԱԿԵԱՆԻ ՀԱՆԴԻՊՈՒՄՆԵՐԸ ԼԻՈՆԻ ՄԷՋ

0
135

 

Ինչպէս նախապէս հաղորդեցինք, Արցախի Հանրապետութեան նախագահ Բակօ Սահակեան աշխատանքային այցելութեամբ մեկնած է Ֆրանսա: Նոյն օրը Լիոն քաղաքի մէջ ան հանդիպում ունեցած է տեղւոյն հայկական միութիւնները համակարգող խորհուրդի խումբ մը անդամներու հետ:
Հանդիպման ընթացքին քննարկուած են Արցախ-Սփիւռք փոխգործակցութեան ամրապնդման առնչուող հարցեր: Սահակեան կարեւոր նկատած է Սփիւռքի մէջ գործող կազմակերպութիւններուն հետ կայուն կապերու հաստատումը եւ համակարգուած աշխատանքի իրականացումը՝ աւելցնելով, որ ատոր համար կան բոլոր անհրաժեշտ նախադրեալները:
Հանդիպման մասնակցած են Լեռնային Ղարաբաղի փոխվարչապետ Արթուր Աղաբեկեանը, արտաքին գործոց նախարար Կարէն Միրզոյանը, Ֆրանսայի մօտ Հայաստանի դեսպան Վիգէն Չիթեչեանը, Ֆրանսայի մօտ Լեռնային Ղարաբաղի մնայուն ներկայացուցիչ Յովհաննէս Գէորգեանը եւ պաշտօնատար այլ անձեր:

LEAVE A REPLY

Please enter your comment!
Please enter your name here