ԼԻԲԱՆԱՆԵԱՆ ԿԱՐՃ ԼՈՒՐԵՐ

0
124

– Հրաժարեալ  վարչապետ Նեժիպ  Միքաթի  մերժեց հակադարձել  Միշէլ Աունի  կողմէ իր հասցէին կատարուած  քննադատութիւններուն: Միքաթիի շրջանակները  յայտնեցին, թէ առաջին անգամը  չէ, որ Փոփոխութիւն եւ Բարեկարգում խորհրդարանական խմբաւորումի  պետը ցեխարձակումներ կը կատարէ վարչապետին  ուղղութեամբ:

-Վերջին  քսանչորս ժամերուն ընթացքին  ընդհատումով  բախումներ տեղի կ’ունենան Թրիփոլիի  Ճեպէլ Մուհսէն եւ Պապ Թապանէ շրջաններուն միջեւ: Հակամարտութեան կողմերը կ’օգտագործեն  տարբեր  տեսակի  զէնքեր:  Թրիփոլիի որոշ  շրջաններու մէջ կը  յայտնուին արձակազէններ, ապա՝ կ’անհետանան:

-Արսէլի քաղաքապետ Ալի  Հըժէյրի   զգուշացուց, թէ  լարուած մթնոլորտ մը կը տիրէ  շրջանին մէջ՝  Օմար Աթրաշի եւ անոր  ընկերակցողներուն սպանութենէն  ետք:  Հըժէյրի  մերժեց  քննադատել լիբանանեան կողմեր՝ տիրող լարուածութեան  համար: Ան ըսաւ, թէ  Սուրիոյ  զարգացումները լուրջ հետեւանքներ կ’ունենան Արսէլի վրայ:

– Մուսթաքպալ Հոսանքի անդամ, երեսփոխան Ժան Օղասապեան ըսաւ, թէ  Հըզպալլա կը խանգարէ նոր կառավարութիւն կազմելու  ճիգերը: Երեսփոխանը  աւելցուց, թէ  նորանշանակ վարչապետը կը դիմագրաւէ լուրջ դժուարութիւններ, որովհետեւ  Հըզպալլա կը մերժէ անոր ներկայացուցած ընտրանքները: Օղասապեան նշեց,թէ  հանրապետութեան նախագահը եւ նորանշանակ վարչապետը  քաջատեղեակ են, որ համաձայնութիւն գոյացնելու կարելիութիւն չկայ խմբաւորումներուն միջեւ, հետեւաբար  լաւագոյն   քայլը պիտի ըլլայ կազմել իրենց հայեցողութեամբ կառավարութիւն  եւ  ներկայացնել  քուէարկութեան:

– Ընկերվար Յառաջդիմական Կուսակցութեան պետ Ուալիտ Ճոմպլաթ  մերժեց  հակադարձել իր հասցէին  կատարած երեսփոխան Օքապ Սաքրի  քննադատութիւններուն: Ճոմպլաթ  յայտնած է .« խեն՞թ եմ, որ մեկնաբանեմ Սաքրի  յարձակումներուն»:’

LEAVE A REPLY

Please enter your comment!
Please enter your name here