ՀԱՅԱՍՏԱՆ ՄԱՍՆԱԿՑԵՑԱՒ ՀԱՊԿ ԽԱՂԱՂԱՊԱՀ ԶՕՐԱՎԱՐԺՈՒԹԵԱՆ

0
111

Հաւաքական Անվտանգութեան մասին Պայմանագիրի Կազմակերպութեան անդամ պետութիւններու զինուած ուժերու միացեալ  ռազմական եւ մարտական պատրաստութեան 2013 թուականի ծրագիրին համաձայն, , Չեպարքուլի մէջ (Ռուսիա) սկսաւ  «Անխախտ եղբայրութիւն-2013» պայմանական անունը կրող երկրորդ միացեալ խաղաղապահ զօրավարժութեան եզրափակիչ հանգրուանը՝ Հայաստանի, Պելոռուսի, Ղազախստանի, Ղրղզիստանի, Ռուսիոյ եւ Տաճիկստանի զինուած ուժերու ստորաբաժանումներուն մասնակցութեամբ:
Զօրավարժութեան կը մասնակցին Հայաստանի զինուած ուժերու 45 ծառայողներէ  բաղկացած խաղաղապահ ստորաբաժանումը: Նշեալ զօրավարժութեան եզրափակիչ հանգրուանին մասնակցելու նպատակով Չեպարքուլ ուղղուած է նաեւ Հայաստանի պաշտպանութեան նախարարի առաջին տեղակալ Դաւիթ Տօնոյեանի եւ Հայաստանի զինուած ուժերու ղեկավարման մարմինի պետի տեղակալ, զօր. Լեւոն Մնացականեանի գլխաւորած պատուիրակութիւնը:

LEAVE A REPLY

Please enter your comment!
Please enter your name here