ՄԱՐԴԱՍԻՐԱԿԱՆ ՕԺԱՆԴԱԿՈՒԹԵԱՆ ԿՈՉ ՍՈՒՐԻՈՅ ԿԱՌԱՎԱՐՈՒԹԵՆԷՆ

0
108

Սուրիոյ  կառավարութիւնը  Ռուսիոյ  քաղաքացիներէն խնդրեց աջակցութիւն ցուցաբերել իր երկրի ժողովուրդին, նախապատուութիւնը տալով մանկական սնունդին, որովհետեւ անոնց անհրաժեշտութիւնը առաւելագոյնս կը զգացուի պատերազմի  ճիրաններուն տակ ինկած  երկրին մէջ:

Ռազմական գետնի վրայ,  երկարատեւ բախումներէ ետք, Սուրիոյ բանակը իր վերահսկողութեան տակ  վերցուց Ալ Հուսէյնիայի եւ Ալ Տիյապիայի  շրջանները:

Այլ  յատկանշական  զարգացումի մը մէջ, Սուրիոյ Ամուտա շրջանի հայ բժիշկը, որ տեղի բնակչութեան միակ հայն է, մահացաւ:

Երկար տարիներէ ի վեր Ամուտա շրջանի հիւանդանոցին մէջ կ’աշխատէր շրջանի միակ հայը՝ Հրանդ Գարանֆիլեանը, իբրեւ գլխաւոր բժիշկ:

Օրեր առաջ հայ բժիշկը կեանքէն հեռացաւ հիւանդութեան պատճառով: Շրջանի  քիւրտերը երախտապարտ ըլլալով անոր երկար տարիներու ծառայութեան եւ նուուիրումին` հիւանդանոցը կոչեցին «Հրանդ Գարանֆիլեանի անուան հիւանդանոց»: Նշենք, որ Հրանդ Գարանֆիլեան Գամիշլիի յայտնի ընտանիքի զաւակ է:

LEAVE A REPLY

Please enter your comment!
Please enter your name here