ՆՈՐ ԿԱՌԱՎԱՐՈՒԹԵԱՆ ԿԱԶՄՈՒԹԻՒՆԸ ԿԸ ՄՆԱՅ ՀԱՆԵԼՈՒԿ

0
100

Քաղաքական, հասարակական   շրջանակներ արդարօրէն միեւնոյն  հարցումը կ’ուղղեն  իշխանութեան   ներկայացուցիչներուն. ինչպէ՞ս  լուծել նոր կառավարութեան  հանելուկը եւ նորանշանակ  վարչապետը ինչպիս՞ի  քայլերու պիտի  դիմէ Ատհայի  տօնէն  ետք:  Տարբեր տեսակէտներ կը  տիրեն  կառավարութեան  ճակատագիրին  մասին:  Կարգ մը վերլուծաբաններու կարծիքով, Սալամ մտադրած է խորհրդակցութիւններու հանգրուանէն անցնիլ   որոշումներու հանգրուանին: Ուրիշներ՝   կը խորհին,թէ կառավարութեան ծնունդը   կրնայ   ուշանալ մինչեւ  Նոյեմբեր: Քաղաքական այլ  մեկնաբաններ կը նշեն,թէ   կառավարութեան կազմութիւնը եւ  նախագահական ընտրութիւնները  իրարու  հետ առնչուած   ըլլալով, Լիբանան կը սպասէ ամբողջական  լուծումի բանալիին :

Թամամ Սալամի  մօտիկ անձնաւորութիւններ կը յայտնեն, թէ  նորանշանակ վարչապետը  կը մերժէ   լսել հրաժարելու մասին  խօսակցութիւնները:

Կառավարութեան կազմութեան  հետ առնչուած  զարգացումներու մէջ մնալով, ՄԱԿ-ի ընդհանուր  քարտուղարի  քաղաքական հարցերու օգնական  Ճեֆրի  Ֆելթման իր այցելուներուն առջեւ խիստ քննադատութեան  ենթարկած է Սէուտական Արաբիան, որովհետեւ վերջինս  չի  փափաքիր Լիբանանի մէջ տեսնել  նոր  կառավարութիւն եւ կը խանգարէ  կազմութեան  փորձերը: Ֆելթման նաեւ նշած է, թէ Ռիատ դժգոհ է  Թեհրան-Ուաշինկթըն մօտեցումէն:

LEAVE A REPLY

Please enter your comment!
Please enter your name here