ՇԱՐՊԷԼ՝ ԼԻԲԱՆԱՆ ՅԱՆՁՆԱՌՈՒ ԿԸ ՄՆԱՅ ՄԻՋԱԶԳԱՅԻՆ ԱՏԵԱՆԻ ՀԱՆԴԷՊ ՊԱՐՏԱՒՈՐՈՒԹԻՒՆՆԵՐՈՒՆ

0
102

Հրաժարեալ ներքին գործոց  նախարար Մարուան Շարպէլ  յայտարարեց, թէ Լիբանան յանձնառու պիտի մնայ  Միջազգային Ատեանի  հանդէպ իր բոլոր  պարտաւորութիւններուն: Շարպէլ նաեւ  դիտել տուաւ, թէ Ռաֆիք Հարիրիի սպանութեան  վերաբերեալ  հինգերորդ ամբաստանեալի մը  բացայայտումը  ոչ մէկ ազդեցութիւն  պիտի ունենայ ներլիբանանեան կեանքին վրայ: Նախարարը ցաւ յայտնեց նոր կառավարութեան  ուշացումին: Ան ըսաւ, թէ վերջերս բացայայտուած ահաբեկչական ցանցին անդամները խոստովանած են  քաղաքական եւ  հոգեւոր անձնաւորութիւններու դէմ  մահափորձի  ծրագիրներ մշակելու իրողութիւնը:

Շարպէլ  միաժամանակ խօսեցաւ Թրիփոլիի ապահովական ծրագիրին մասին, ընդգծելով որ  հիւսիսային Լիբանանի մայրաքաղաքին պարագան կը տարբերի մնացեալ շրջաններէն:  Ան   դրուատեց  լիբանանեան  բանակին խիզախ  քայլերը եւ ըսաւ թէ  երկհանգրուանային  ապահովական ծրագիր մը  գործադրութեան դրուած է  Թրիփոլիի  համար:

LEAVE A REPLY

Please enter your comment!
Please enter your name here