ՊԱԼՈԹԵԼԻ ՎԵՐՍԿՍԱՒ ՄԱՐԶՈՒՄՆԵՐՈՒ

0
132

Իտալիոյ հաւաքականի յարձակող  Մարիօ Պալոթելի վերսկսաւ ազգային խումբին հետ   մարզումներուն: 24-ամեայ ֆութպոլիստը կը բողոքէր ստամոքսային սեղմումներէ: Այդ պատճառով ան բացակայեցաւ  Դանիոյ դէմ Իտալիոյ հաւաքականին կազմէն:  Պալոթելի  հաւանաբար մասնակցի Հայաստանի հաւաքականին դէմ  հանդիպումին: Իտալիոյ հՀաւաքականին բժիշկը   յայտարարեց, թէ  ներկայիս կանուխ  է խօսիլ  դաշտ ներկայանալու մասին:

Իտալիոյ հաւաքականի  պաշտպան  Ճիորճիօ  Քելինի  հերքեց այն տեղեկութիւնները թէ Հայաստանի դէմ  հանդիպումը անիմաստ է, որովհետեւ  Իտալիան արդէն իսկ  ձեռք բերած է Մոնտիալ 2014-ին մասնակցելու ուղեգիր:  Քելինի մաղթեց, որ Պալոթելի  պատրաստ  ըլլայ  Երեքշաբթի օրուան հանդիպումին, սակայն աւելցուց թէ առանց անոր ալ կարելի է խաղալ, որովհետեւ  չկայ անփոխարինելի ֆութպոլիստ:

Հայաստանի դէմ   հանդիպումին Իտալիոյ հաւաքական կը վերադառնան  Նափոլիի յարձակող  Լորենցօ Ինսինյյն եւ  Փարի Սէն Ժերմէնի  կիսապաշտպան  Մարքօ Վերաթին: Վերոյիշեալ  երկու մարզիկները վնասուածք ստանալով կը  բացակայէին հաւաքականի կազմէն:

LEAVE A REPLY

Please enter your comment!
Please enter your name here