ԼԻԲԱՆԱՆԵԱՆ ԿԱՐՃ ԼՈՒՐԵՐ

0
111

– Խորհրդարանի նախագահ Նեպիհ Պըրրի սոյն ամսուան  22-ին  նիստի  հրաւիրեց խորհրդարանը՝ դիւանի քարտուղարներու, ինչպէս  նաեւ  յանձնախումբերու  ընտրութիւնները կատարելու նպատակով:

-Պետական նախարար Ահմէտ Քարամէ  ցաւ յայտնեց, թէ  Թրիփոլիի ապահովութեան ծրագիրը  ցարդ կը մնայ  թուղթի վրայ:Նախարարը   նշեց,թէ արտաքին ուժեր գումար կը վճարեն Թրիփոլիի մէջ ապահովական խլրտումներ յառաջացնելու  համար:  Քարամէ  նաեւ յայտնեց, թէ Նեժիպ Միքաթի կը փափաքի  վայրկեան մը առաջ   հեռանալ վարչապետարանէն:

-Պետական անվտանգութեան ընդհանուր  տնօրէն, հազարապետ Ճորճ Ղարաա շեշտեց ապահովական մնացեալ  մարմիններուն հետ  գործակցութեան անհրաժեշտութիւնը: Ղարաա  նկատել տուաւ, որ իր գլխաւորած  կառոյցը արհեստագիտական  ժամանակակաից սարքաւորումներու սակաւութենէ կը տառապի՝  արտասահմանեան  հազուադէպ օժանդակութիւններուն  պատճառով:

– Մուսթաքպալ Հոսանքի պետ, նախկին վարչապետ ֆուատ Սինիորա  ընդունեց Լիբանանի մօտ Իրանի  դեսպան Ղատանֆար Ռըքն Ապատին:

– Կառավարութեան մօտ զինուորական ատեանի  դատախազ Սաքր Սաքր աւարտեց Թրիփոլիի  երկու մզկիթներուն  պայթումներուն շուրջ  նախնական հետաքննութիւնները:  Զոյգ  պայթումներուն հետեւանքով  ձերբակալուած են երեք կասկածելիներ: Չորս այլ  կասկածելիներու թաքստոցը առայժմ կը մնայ անորոշ:

LEAVE A REPLY

Please enter your comment!
Please enter your name here