ՀՀ Ափիւռքի նախարարութեան նախաձեռնութեամբ տեղի ունեցաւ Երուսաղէմահայ բանաստեղծուհի Անոյշ Նագգաշեանի գիրքին շնորհանդէսը

0
148

 

Չորեքշաբթի, 16 Հոկտեմբերին ՀՀ սփիւռքի նախարարութեան նախաձեռնութեամբ Խնկօ-Ապոր գրադարանին մէջ կայացաւ Երուսաղէմահայ  բանաստեղծուհի Անոյշ Նագգաշեանի «Ես հայ եմ» մանկական բանաստեղծութիւններու գիրքին շնորհանդէսը:

Ողջոյնի խօսքով հանդէս եկաւ ՀՀ սփիւռքի նախարարի տեղակալ, գրականագէտ, բ.գ.թ. Սերժ Սրապիոնեանը: Գնահատելով Անոյշ Նագգաշեանի բանաստեղծութիւնը` պարոն Սրապիոնեանը նշեց. «Մանկական բանաստեղծութիւններու այս փոքրիկ ժողովածուով Անոյշը կը  բերէ թարմ միտք: ՀՀ սփիւռքի նախարար Հրանոյշ Յակոբեանը, բարձր գնահատելով Անոյշի բանաստեղծութիւնները, արդէն իսկ յանձնարարած է զանոնք թարգմանել նաեւ արեւլահայերէն` այսպիսով գիրքը հասանելի դարձնելով նաեւ հայութեան միւս արեւելահայ հատուածի համար»:

Նախարարի տեղակալը աւելցուց, որ «Ես Հայ Եմ» խորագիրը կրող ժողովածուի մանկական բանաստեղծութիւններով Անոյշ Նագգաշեանը Սփիւռքի մէջ ապրող հայ մանուկներուն կը  ծանօթացնէ  Հայրենիքի հետ:

Երեւանի Պետական Համալսարանի հայ գրականութեան ամպիոնի վարիչ, բ.գ.դ., պրոֆեսոր Սամուէլ Մուրատեան առանձնացուց հեղինակի` մանուկներու լեզուով խօսելու բացառիկ շնորհը:

Դառնալով  մանկական բանաստեղծութիւններու բազմաթիւ ժողովածուներու հեղինակ` Հայաստանի Գրողներու Միութեան նախագահի պաշտօնակատար Էտուարտ  Միլիտոնեանը նշեց, որ հայ մանկագրութիւնը  այսօր լաւ գրողներու անհրաժեշտութիւնը  ունի, Անոյշ Նագգաշեանը  կը  լրացնէ այդ բացը:

Շնորհակալութիւն յայտնելով ՀՀ սփիւռքի նախարարութեանը` հիմնադրման առաջին իսկ օրերէն իր կողքին գտնուելու եւ աջակցելու համար` Անոյշ Նագգաշեանը միջոցառման աւարտին ասմունքեց իր   ստեղծագործութիւններէն հատուածներ:

 

 

LEAVE A REPLY

Please enter your comment!
Please enter your name here