ՆԱԽԱԳԱՀ ԲԱԿՕ ՍԱՀԱԿԵԱՆ ՀԱՆԴԻՊԵՑԱՒ ՊԵԼՃԻՔԱՅԻ ԾԵՐԱԿՈՅՏԻ ԽՈՒՄԲ ՄԸ ԱՆԴԱՄՆԵՐՈՒ ՀԵՏ

0
100

Արցախի Հանրապետութեան նախագահ Բակօ Սահակեան Պելճիքայի մէջ հանդիպում մը ունեցաւ Ծերակոյտի խումբ մը անդամներու հետ։
Հանդիպումին ընթացքին քննարկուեցան Պելճիքա–Արցախ յարաբերութիւններուն,  յատկապէս միջխորհրդարանական կապերու զարգացման վերաբերող հարցեր:
Երկուստեք նշուեցաւ համագործակցութեան համար անհրաժեշտ պայմաններու առկայութիւնը:
Հանդիպումին մասնակցեցան Լեռնային Ղարաբաղի փոխվարչապետ Արթուր Աղաբեկեանը, արտաքին գործոց նախարար Կարէն Միրզոյեանը, Պելճիքայի մօտ Հայաստանի դեսպան Աւետ Ադոնցը, պաշտօնատար այլ անձեր:
Նոյն օրը նախագահը հանդիպում ունեցաւ նաեւ «Հայաստանի Եւրոպական Բարեկամներ» կազմակերպութեան խումբ մը անդամներու հետ:  Հանդիպումին ընթացքին քննարկուեցան շարք մը միացեալ ծրագիրներու իրականացման առնչուած հարցեր։
Նախագահ Սահակեան երախտագիտութիւն յայտնեց կազմակերպութեան, Արցախին սատարելու համար՝ նշելով, որ այդ աշխատանքը պահանջուած է եւ կը հանդիսանայ բարեկամութեան գործնական դրսեւորում:
Սոյն հանդիպումին  մասնակցեցան նաեւ Լեռնային Ղարաբաղի փոխվարչապետ Արթուր Աղաբեկեանը, արտաքին գործոց նախարար Կարէն Միրզոյեանը եւ պաշտօնատար այլ անձեր:

LEAVE A REPLY

Please enter your comment!
Please enter your name here