ՆՈՐ ԿԱՌԱՎԱՐՈՒԹԵԱՆ ԵՒ ԱՊԱՀՈՎԱԿԱՆ ԹՂԹԱԾՐԱՐՆԵՐԸ՝ ՏՕՆԱԿԱՆ ՕՐԵՐՈՒ ԱՌԱՆՑՔԱՅԻՆ ՄՏԱՀՈԳՈՒԹԻՒՆԸ

0
141

 Հակառակ Ատհայի  տօնին առիթով   պետական հաստատութիւններու բոլորած եռօրեայ արձակուրդին,  նոր  կառավարութեան կազմութիւնը եւ   ապահովական  թղթածրարը մնացին  քաղաքական անձնաւորութիւններու եւ հոգեւոր ղեկավարներու առանցքային մտահոգութիւնը:  Հանրապետութեան միֆթի  շէյխ  Մուհամմէտ Ռաշիտ Քապպանի, ինչպէս նաեւ  շիի համայնքի  գերագոյն խորհուրդի փոխնախագահ, շէյխ Ապտէլ Ամիր Քապալան շեշտեցին  լիբանանցիներու միջեւ համակեցութիւնը եւ ազգային միասնականութիւնը պահպանելու անհրաժեշտութիւնը:   Նախկին նախարար  Խալիլ Հարաուի  ըսաւ, թէ  քաղաքական  կողմերուն ներկայացուցած   հակասական  նախապայմանները անհնար կը  դարձնեն  նոր կառավարութեան կազմութիւնը:

Թրիփոլի  քաղաքի   դէմքեր  իշխանութիւններէն  պահանջեցին անմիջապէս  գործադրութեան դնել  պաշտպանութեան գերագոյն  խորհուրդին  մշակած  ապահովական  ծրագիրը: Անոնց կարծիքով՝ բռնկումի  սպառնալիքը  մնայուն կախուած է  հիւսիսային Լիբանանի մայրաքաղաքին  վրայ: Մուսթաքպալ Հոսանքի անդամ, երեսփոխան  Սամիր Ճըսր յայտնեց, թէ   քաղաքին  բնակիչները ազգային  գիտակցութեան բարձր ոգի կը ցուցաբերեն եւ  չեն դառնար  սադրանքներու զոհ:  Ճըսր  ցաւ յայտնեց, թէ  ապահովական ծրագրին գործադրութիւնը  կ’ուշանայ  գետնի վրայ:  Ան նաեւ  յայտնեց, թէ  քաղաքին  դէմքերուն մասնակցութեամբ  խորհրդաժողով մը  նախատեսուած է յառաջիկայ   ժամերուն:

LEAVE A REPLY

Please enter your comment!
Please enter your name here