ԱՐԻՆՉ՝ ՆՈՐ ՍԱՀՄԱՆԱԴՐՈՒԹԻՒՆ ԹՈՒՐՔԻՈՅ ՀԱՄԱՐ

0
118

Թուրքիոյ փոխվարչապետ Պիւլենթ Արընչ յայտարարեց, որ վերջին ամիսներուն Թուրքիոյ մէջ տեղի ունեցած բողոքի ցոյցերուն գլխաւոր նպատակը կառավարութիւնը հարուածել էր: «Այդ ցոյցերուն կը մասնակցէին արգիլեալ կազմակերպութիւններ, որոնք բռնարարքներու կը զօրակցին. նոյնիսկ ընդդիմադիր կուսակցութիւններ անոնց նեցուկ կանգնեցան: Խաղաղ ցոյցը բոլորին իրաւունքն է, սակայն մենք դէմ պիտի կենանք որեւէ ցոյցի, որ պետական հաստատութեան ու սեփականութեանց, ինչպէս նաեւ առեւտրական կեդրոններու դէմ յարձակումի ճամբով կը դրսեւորուի», ըսաւ ան:
Արընչ աւելցուց, թէ իշխող կուսակցութիւնը աշխատանք կը տանի նոր սահմանադրութիւն մը պատրաստելու, սակայն ընդունեց, թէ կուսակցութիւնը առանձնաբար զայն փոխելու կարողութիւն չունի:
Ան նաեւ թրքական ընդդիմադիր կուսակցութիւնները ամբաստանեց ժողովուրդին յստակ ծրագիր մը ներկայացնելու անկարողութեամբ՝ նշելով, որ այդ պատճառով, անոնք ժողովուրդին վստահութիւնը կը կորսնցնեն:

 

LEAVE A REPLY

Please enter your comment!
Please enter your name here