ԵՐԵՒԱՆԻ ՄԷՋ ՊԻՏԻ ԿԱՅԱՆԱՅ «ՊԱՅՔԱՐ ԵՒՐՈՊԱՅԻ ՄԷՋ ԽՏՐԱԿԱՆՈՒԹԵԱՆ, ԱՅԼԱՏԵԱՑՈՒԹԵԱՆ ԴԷՄ» ԽՈՐՀՐԴԱԺՈՂՈՎ

0
139

 Երկուշաբթի, 21 Հոկտեմբերին,  Երեւանի մէջ,  Հայաստանի արտաքին գործոց նախարար Էտուարտ  Նալպանտեան  եւ Եւրոպական Խորհրդարանի  գլխաւոր քարտուղար  Թորպիորն  Եակլանտ  միասնաբար պիտի կատարեն «Պայքար Եւրոպայի  մէջ Խտրականութեան, Այլատեացութեան եւ Անհանդուրժողութեան դէմ» խորհրդաժողովին բացումը:

Խորհրդաժողովին  պիտի մասնակցին միջազգային եւ անկախ  փորձագէտներ,Եւրոպական Միութեան պաշտօնակատարներ, միջազգային կազմակերպութիւններու եւ  քաղաքացիական  հասարակութեան  ներկայացուցիչներ:

Խորհրդաժողովի  ընթացքին մասնակիցները կարելիութիւն  պիտի ունենան  քննարկելու ռասիզմի , ցեղային խտրականութեան դէմ  պայքարին մէջ  մարդկային  իրաւունքներու   պաշտպանութեան  հաստատութիւններու դերը, ինչպէս  նաեւ մամուլի եւ քարոզչական աղբիւրներու միջոցով  ատելութիւն սերմանող երեւոյթներու դէմ պայքարելու վերաբերող հարցեր:

LEAVE A REPLY

Please enter your comment!
Please enter your name here