Թուրքիա Իրանին Բացայայտած Է Իսրայէլեան Լրտեսական Խմբակ Մը

0
109

«Ուաշինկթըն Փոսթ»ի մէջ լոյս տեսած յօդուածով մը, սիւնակագիր Տէյվիտ Իկնէյշըս կը գրէ, թէ Թուրքիա 2012-ին Իրանի իշխանութեանց բացայայտած է ինքնութիւնը 10 իրանցիներու, որոնք Իսրայէլի համար լրտեսութիւն կը կատարէին Իրանի մէջ:
Մինչ Իսրայէլ եւ Թուրքիա այս մասին յայտարարութիւններ չեն կատարած, Իրան 2012ի Ապրիլին յայտարարած էր, թէ ձերբակալած է 15 հոգինոց ցանցի մը անդամները, որոնք Իսրայէլի ի նպաստ լրտեսութիւն կը կատարէին: Իկնէյշըս կը գրէ, որ մինչեւ 2010ին տեղի ունեցած «Կապոյտ Մարմարա» նաւուն միջադէպը, Թուրքիոյ եւ Իսրայէլի միջեւ հաստատուած էր սերտ յարաբերութիւն, որուն շնորհիւ Թուրքիա արտօնութիւն տուած էր Իսրայէլի լրտեսներուն Թուրքիայէն Իրան թափանցելու, պայմանաւ, որ Իրանի մասին իրենց ապահոված տեղեկութիւնները բաժնեն նաեւ Թուրքիոյ հետ:
Սակայն, 9 թուրք զոհ խլած նշեալ նաւու միջադէպէն ետք, Թուրքիոյ վարչապետ Ռեճէպ Թայիփ Էրտողան որդեգրեց Իսրայէլի հակառակ կեցուածք մը, որուն արդիւնքներէն մէկը կրնայ ըլլալ նշեալ լրտեսական ցանցին բացայայտումը:

 

LEAVE A REPLY

Please enter your comment!
Please enter your name here