ԼԻԲԱՆԱՆԵԱՆ ԿԱՐՃ ԼՈՒՐԵՐ

0
131

–         Լիբանանի  քրիստոնեայ  կուսակցութիւնները, Հինգշաբթի  երեկոյեան,  մարոնիներու Պշարա Ռաայի գարտինալին հրաւէրով  խորհրդակցական  նիստ մը  գումարած են, Զուք Մուսպէհի մէջ:  Նիստի  ընթացքին  քննարկուած է Միջին Արեւելքի  քրիստոնէութիւնը յուզող հարցեր:  Միւս կողմէ, քրիստոնեաները յուզող  թղթածրարներու  յանձնախումբը Երկուշաբթի օր նիստ մը  պիտի գումարէ, գարտինալ Ռաայի  հովանաւորութեամբ:

 –         Ելեկտրական ընկերութեան պաշտօնէութեան  սենտիքան, Լիբանանի  բոլոր տարածութիւններուն վրայ,  համընդհանուր  գործադուլ եւ   նստացոյց  յայտարարեց յառաջիկայ Երեքշաբթիէն մինչեւ Հինգշաբթի, առ ի բողոք՝  ներկայացուցած  պահանջներուն  դէմ կառավարութեան անտարբերութեան: 

 –          Լիբանանեան Ուժեր Կուսակցութեան  գործադիր  Խորհուրդի  պետ Սամիր Ժաաժա  յայտնեց, թէ  Լիբանանի   տագնապին խորքը  վարչաձեւն  է, որովհետեւ լիբանանեան խմբաւորում մը  կը մերժէ  Թայէֆի համաձայնագիրը:  Ժաաժա   դիտել տուաւ, որ  Թայէֆը վերանայելու  դոյզն  փորձ մը, քայքայումի պիտի առաջնորդէ երկիրը՝ գոյութիւն ունեցող տարակարծութիւններուն  հետեւանքով:  Ժաաժա  միաժամանակ մերժեց  9-9-6  տարազով կառավարութիւն մը:

 –         Խորհրդարանի նախագահ  Նեպիհ Պըրրի  դիտել տուաւ, որ  նախարարներ Ժըպրան Պասիլի եւ Ալի Հասան Խալիլի  միջեւ   վէճը որեւէ ազդեցութիւն պիտի չունենայ  Ամալի եւ Ազգային Ազատ  Հոսանքի  փոխյարաբերութիւններուն մէջ:

 

LEAVE A REPLY

Please enter your comment!
Please enter your name here