ԼՈՒՐԵՐ ԵՕԹՆԵՐՈՐԴ ԱՐՈՒԵՍՏԻ ԱՇԽԱՐՀԷՆ

0
146

ՄՈՆԻՔԱ ՊԵԼՈՒՉԻ՝  ԵՍ ԵՒ  ԶԱՒԱԿՆԵՐՍ  ԳՆՉՈՒՆԵՐ  ԵՆՔ

Գեղանի դերասանուհի Մոնիքա Պելուչի դարձաւ  «Փրեսթիժ Հոնկ Գոնկ» ամսագրին  նոյեմբերեան  համարին  հերոսուհին:  Ան ոչ միայն  լուսանկարուած է ,այլեւ՝ պատմած   իր անձնական  կեանքի մասին: « Ինչպէ՞ս կը համատեղեմ աշխատանքը եւ մայրութիւնը: Այնպէս, ինչպէս բոլորը:  Իրականութեան մէջ, կանայք  այր մարդոց  հաւասար աշխատանք կը կատարեն, առաւել եւս՝  երեխաներ լոյս աշխարհ կը բերեն» նշած է Մոնիքա:

Դերասանուհին աւելցուցած է.« Իմ  դուստրերս՝  9-ամեայ  Տեւան եւ 3-ամեայ  Լէոնին, միշտ  իմ հետ  կը  ճամբորդեն: Անոնք չորս  լեզու կը խօսին: Ինչպէ՞ս կրնամ այս  բացատրել… մենք   գնչուներ ենք»:

Մոնիքա  նաեւ մեկնաբանած է այն  փաստը, որ ինք  մնայուն կը յայտնուի ամենագեղեցիկ կանանց  վարկանիշային  ցուցակներուն մէջ .« Հիանալի  է, սակայն  միշտ անհրաժեշտ է գիտակցիլ տարբերութիւնը, թէ ո՞վ  ես դուն իրականութեան մէջ եւ ին՞չ  կերպար կը ստեղծես   ուրիշներու համար: Անհրաժեշտ  է  հասկնալ, որ  նկար չես, այլ՝ իսկական կին».յայտած  է 48-ամեայ  Պելուչի:

ԹՈՔԻՈՅԻ ՖԻԼՄԱՐՈՒԵՍՏԻ  ՓԱՌԱՏՕՆԸ ՍԿՍԱՒ

 Երէկ,  Ճափոնի մայրաքաղաք  Թուքիոյի մէջ  տեղի ունեցաւ ֆիլմարուեստի Թոքիոյի   26-րդ  փառատօնին  բացումը: Փառատօնին պիտի  ցուցադրուին  Ֆրանսայէն,  Բրիտանիայէն,  Թուրքիայէն, Իսլանտայէն, Միացեալ Նահանգներէն եւ այլ երկիրներէ նմասնակցութիւններ:   Փառատօնի  գլխաւոր մրցանակին կը յաւակնին 15 ժապաւէններ: Մինչեւ 25 Հոկտեմբեր երկարող փառատօնին  ընթացքին պիտի  ցուցադրուի  140  ժապաւէն:

Փառատօնին բացումը կատարուեցաւ Թոմ Հենքսի « Գեփթըն  Ֆիլիփս»  ժապաւէնով: Փառատօնի գլխաւոր  մրցանակին յաւակնորդներէն կը նկատուի  բեմադրիչ Լուք Պեսոնի  «Մալավիթա»  ժապաւէնը:

ՓԻԹ ԵՒ ՃՈԼԻ  ԿՆՔԵՑԻՆ  101  ԷՋԵՐԷ ԲԱՂԿԱՑԱԾ ԱՄՈՒՍՆԱԿԱՆ ՊԱՅՄԱՆԱԳՐՈՒԹԻՒՆ

 Հոլիվուտի  ամենավառ  աստղային  ամոլը՝ Անճելինա Ճոլի եւ Պրէթ  Փիթ որոշած են  պսակուիլ:  Սիրուած դերասաններուն  հարսանեկան արարողութիւնը  տեղի պիտի ունենայ   Հաուայեան  Կղզիներուն մէջ: Անոնք կնքած են  101  էջերէ բաղկացած ամուսնական պայմանագրութիւն մը:

Ըստ  պայմանագրութեան, ամուսնալուծումի պարագային, անոնց  ունեցուածքներուն մեծ մասը՝ 176 միլիոն տոլար, պիտի փոխանցուի Պրէթ Փիթին:  Ամոլին ընտանեկան պիւտճէն կը գնահատուի 320  միլիոն տոլար: Քաղուած  տեղեկութիւններուն համաձայն,  Ճոլի եւ Փիթ Սուրբ  Ծննդեան օրերուն  մտադրած են  դառնալ պաշտօնական ամուսիններ:

ՆԱԹԱԼԻ  ՓՈՐԹՄԱՆ ՓԱՐԻԶ ՊԻՏԻ  ՏԵՂԱՓՈԽՈՒԻ

Երկու տարուան բացակայութենէ ետք,  Նաթալի Փորթման   վերադարձաւ տեսախցիկներուն առջեւ:  32-ամեայ   դերասանուհին  իր վերադարձը նշեց  «Մարի Գլէր» ամսաթերթին մէջ  նկարներու  շարքով:  Հանրածանօթ  պարբերականին  տուած  հարցազրոյցին մէջ, Փորթման կը խօսի Փարիզ հաստատուելու ծրագիրներուն մասին: « Այո մենք պիտի  տեղափոխուինք  յաջորդ տարուան վերջաւորութեան:  Շատ ուրախ  եմ այս  քայլին համար:  Փարիզ  աշխարհի մշակութային քաղաքն է: Բոլորը կ’երազեն ապրիլ Փարիզի մէջ». կ’ըսէ  Փորթման:

ՔԵԹԻ  ՀՈԼՄԶԻ  ՆՈՐ ՍԻՐԱՎԷՊԸ ՝ ԹՈՄ ԳՐՈՒԶԻ ԼԱՒԱԳՈՅՆ  ԸՆԿԵՐՈՋ  ՀԵՏ

Այնպէս կը թուէր, թէ  Քեթի Հոլմզ այնքան  ճնշուած է Թոմ Գրուզէն բաժնուելու եւ  իր դուստրին՝  Սուրիի  դաստիարակութեան հետ կապուած  հարցերով, որ անոր կեանքին մէջ սիրոյ   համար այլեւս  տեղ չկար:  Սակայն, ամերիկեան   օրաթերթերը կը  հաղորդեն, թէ  Քեթին նոր յարաբերութեան սկսած է  նախկին ամուսինին լաւագոյն  ընկերոջ  հետ:  Քեթիի սիրտը գրաւած է դերասան  Ճէյմի  Ֆոքսը:

Ճէյմի եւ Քեթի վաղուց  ծանօթներ են: 34-ամեայ Քեթի եւ 45-ամեայ  Ճէյմի  հանրութենէն   գաղտնի  կը պահեն  իրենց հանդիպումները: Ճէյմի Ֆոքս գիշերները կը մնայ  Քեթիի  նիւեորքեան ապարանքին  մէջ: Սակայն այս  բոլորէն ետք,  Քեթի  Հոլմզ կը պնդէ, թէ իրենք  պարզապէս  բարեկամներ  են:

ՊՐԻԹՆԻ ՍՓԻՐԶ Կ’ԵՐԱԶԷ   ԵՐԿՈՒՈՐԵԱԿՆԵՐՈՒ ՄԱՅՐ ԴԱՌՆԱԼ

Ամրիկացի  երգչուհի Պրիթնի Սփիրզ  դարձեալ կ’երազէ ամուսնութեան  եւ  մայր դառնալու մասին:  Հակառակ անձնական կեանքին  մէջ կրած  ձախողութիւններուն,  Սփիրզ  կը  հաւատայ, որ  կրնայ  ամուր  ընտանիք կազմել եւ  դառնալ  լաւ մայր:  Սփիրզ յայտարարեց, թէ կ’երազէ  երկուորեակներ ծննդաբերել: Երգչուհին նաեւ  յայտնեց, թէ  Ռայըն Կոսլինկ՝  ամենահամակրելի դերասանն  է  իրեն համար: 

ԹԻՄ ՌՈՊԻՆԶ ԻՐ 55-ԱՄԵԱՅ  ՅՈԲԵԼԵԱՆԸ   ՆՇԵՑ ԱՌԱՆՑ ՍՈՒԶԱՆ ՍԱՐԱՆՏՈՆԻ

 « Շոշանք  Ռիտեմշըն» եւ «  Միսթիք Ռիվըր» ժապաւէններուն մէջ իր  փայլուն խաղարկութեամբ   ծանօթ դերասան,  բեմադրիչ, արտադրիչ եւ յօրինող  Թիմ Ռոպինզ  Չորեքշաբթի, 16  Հոկտեմբերին  նշեց իր ծննդեան  55-ամեակը:  Ռոպինզ  ծնած է  երգիչ-դերասաններու ընտանիքի մէջ:  Անոր  դերասանական կեանքը  թռիչք առած է հեռատեսիլային  հաղորդաշարերու մէջ  գտած յաջողութիւններուն  լոյսին տակ:  1980-էն ետք սկսած է  նկարահանուիլ  մեծ  պաստառի  վրայ  ցուցադրուող  ժապաւէններու մէջ:

Թիմ Ռոպինզ երիտասարդ տարիքին քաղաքացիական ամուսնութիւն կնքած էր դերասանուհի  Սուզան Սարանտոնի հետ: Ամոլը, 21 տարուան համակեցութենէ ետք, 2009-ին ամուսնալուծուեցաւ: Անոնք ունին երկու զաւակ:  Ամենայն հաւանականութեամբ բաժանումին պատճառը  տարիքն է:   Սուզան Սարանտոն  11 տարի աւելի  մեծ է  Թիմէն:

ՎՈՒՏԻ  ԱԼԷՆ ՈՐՈՇԵՑ ԻՐ ՆՈՐ ԺԱՊԱՒԷՆԻՆ ԱՆՈՒՆԸ

  Վուտի Ալէն  յայտարարեց, թէ   իր նոր  ժապաւէնը պիտի  կոչուի « Մեճիք Ին Տը  Մունլայթ»:  Ժապաւէնին նկարահանումները տեղի ունեցան    հարաւային Ֆրանսայի մէջ:  Ֆիլմին գլխաւոր  հերոսներն են  Գոլին Ֆըրթը եւ  Էմմա Սթոունը:   Ժապաւէնին մէջ դերեր ստանձնած  են նաեւ  Մարշա Կէյ   Հարտէնը,   Ճեքի Ուիվըրը Այլին  Էթքինզը եւ  ուրիշներ:

Ալէն  գաղտնի կը պահէ  ժապաւէնին  նիւթը:  Ըստ  երեւոյթին, ան  ռոմանթիկ  կատակերգութիւն մըն  է , որուն  գործողութիւնները  տեղի կ’ունենան 1920-ականներուն՝ հարաւային  Ֆրանսայի մէջ:  Ալէնի  ժապաւէնը  մեծ պաստառներու վրայ պիտի  բարձրանայ 2014-ին:

«ՆՌԱՆ ՀԱՏԻԿ» ՓԱՌԱՏՕՆԻՆ ՊԻՏԻ ՄԱՍՆԱԿՑԻՆ  ՀԱՅԱՍՏԱՆԻ ԵՒ ԱՐՑԱԽԻ ՏԱՐԲԵՐ ՇՐՋԱՆՆԵՐԷՆ 30 ԹԱՏԵՐԱԽՈՒՄԲԵՐ

Հայաստանի մշակոյթի նախարարութեան աջակցութեամբ 20-26 Հոկտեմբերին տեղի պիտի ունենայ «Նռան Հատիկ» հանրապետական մանկապատանեկան թատերական 13-րդ փառատօնը, որուն պիտի մասնակցին որոշ տարիքային խումբի պատկանողներ՝ նպատակ ունենալով երեխաները մանկուց ծանօթացնել դասական գրականութեան եւ բեմէն հնչեցնել մաքրամաքուր հայերէն: Այս մասին 16 Հոկտեմբերին կայացած մամլոյ ասուլիսին ընթացքին յայտնած է փառատօնի կազմակերպիչ Գարիկ Ղազարեանը: «Մեր հիմնական նպատակն է բեմից լսել մաքուր հայոց լեզու եւ երեխաներին ծանօթացնել դասական գրականութեանը», նշած է Գարիկ Ղազարեանը: Այս տարի թատերական ներկայացումներու հիմնական դահլիճը Անանիա Շիրակացիի անուան ճեմարանի դահլիճն է, մէկ օր տրամադրած է «Մետրօ» թատրոնը եւ մէկ օր՝ Արմէն Տիգրանեանի անուան երաժշտական դպրոցը:
Հիմնական խաղացանկը մանկական է, սակայն կան նաեւ աւագ դպրոցի համար նախատեսուած ներկայացումներ: Կազմակերպական կոմիտէի նախագահ Արուսեակ Մանթաշեանը ողջունելի նկատած է փառատօնը 7 նոր թատերական խումբերով համալրումը, մանաւանդ, «երբ դրանք սահմանամերձ գիւղերի բացառիկ ոգեւորութեամբ լցուած երեխաներն են»:
Այս տարի փառատօնին պիտի մասնակցին 30 թատերախումբեր Հայաստանի տարբեր մարզերէն եւ Լեռնային Ղարաբաղէն: Փառատօնը կը կրէ «Երջանիկ Մանկութիւն» խորագիրը, իսկ բոլոր մասնակիցները պիտի ստանան «Թռիչք» արձանիկ-մրցանակը:
Նշենք, որ փառատօնը տեղի կ՛ունենայ 2000 թուականէն, բազմիցս արժանացած է պարգեւներու եւ միջազգային փառատօներու ընթացքին արձանագրած է մեծ յաջողութիւններ:

ԳԱՆԱՏԱՀԱՅ  ԵՐԳՉՈՒՀԻ   ԻԶԱՊԷԼ ՊԱՅՐԱՔՏԱՐԵԱՆ ԿԸ ՆԵՐԿԱՅԱՑՆԷ ԻՐ ՆՈՐ   ՁԱՅՆԵՐԻԶԸ

Գանատահայ օփերային երգչուհի, աշխարհահռչակ սոփրանօ Իզապէլ Պայրաքտարեան  12  Նյեմբերին հանրութեան պիտի ներկայացնէ իր նոր «Troubadour and the Nightingale» ձայներիզը:

Նոր ձայնասկաւառակին մէջ Պայրաքտարեան կը ներկայացնէ ինքնատիպ ստեղծագործութիւններ` իւրօրինակ լուծումներով: Պայրաքտարեանի նոր ձայներիզը կը մէկտեղէ Սայաթ Նովայի, Ռաւելի եւ երգչուհիին ամուսինին` Սերուժ Քրաջեանի ստեղծագործութիւնները:

Երգչուհի Իզապէլ Պայրաքտարեան ծնած է Լիբանան: Լիբանանի մէջ երգած է հայկական եկեղեցւոյ երգչախումբին մէջ: Այնուհետեւ տեղափոխուած է Գանատա եւ զբաղած է երգով` արդէն իբրեւ արհեստավարժ: 2000 թուականին յաղթած է Փլասիտօ Տոմինկոյի կազմակերպած «Օփերալիա» մրցոյթին: Ելոյթ ունեցած է աշխարհի հեղինակաւոր բեմերուն վրայ: 2004 թուականին Պայրաքտարեանի երկրորդ` «Azulão» ձայնասկաւառակը անոր բերաւ «Ճունօ» մրցանակը: Առաջադրուած է «Կրեմմի» մրցանակին` «Լորտ Օֆ Տը  Ռինկզ» ժապաւէնին  երգին համար: Ատոմ Էկոյեանի «Արարատ» շարժանկարի երաժշտութեան  մէջ եւս կը հնչէ Պայրաքտարեանի ձայնը:

ԱՐՏՕ   ԹՈՒՆՃՊՕՅԱՃԵԱՆԻ  ՅԱՋՈՂ  ՀԱՄԵՐԳԸ  ԼՈՍ ԱՆՃԵԼԸՍԻ ՄԷՋ

Լոս Անճելըսի «Պլու  Ուէյլ Ճազ» ակումբին մէջ կայացաւ  յօրինող եւ  երգիչ, « Կրեմի»ի մրցանակակիր Արտօ  Թունճպօյաճեանի համերգը: Արտոյի հետ ելոյթ ունեցան դաշնակահար Վարդան Յովսէփեանը եւ թաւջութակահար  Արտիոմ  Մանուկեանը: Շուրջ 200 երաժշտասէրներ ունկնդրեցին  մարդկային  հոգիի, սիրոյ եւ Հայաստանի մասին  պատմող Արտոյի  ձայնային բեմադրութիւնները: Նշենք, թէ աւելի վաղ, Թունճպօյաճեան՝ «Արմինըն Նէյվի Պենտ»ի  ղեկավարութեամբ ելոյթ ունեցած է  «Մեցօ»  սրահին մէջ:

LEAVE A REPLY

Please enter your comment!
Please enter your name here