ՎԱՐՉԱՊԵՏ ՍԱՐԳՍԵԱՆ ԿԸ ԲԱՑԱՏՐԷ ՄԱՔՍԱՅԻՆ ՄԻՈՒԹԻՒՆ ՄԻԱՆԱԼՈՒ ՊԱՏՃԱՌՆԵՐԸ

0
130

Մաքսային Միութեան Հայաստանի միանալը հնարաւորութիւն կու տայ երկրին ռազմավարական յարաբերութիւնները Ռուսաստանի հետ կառուցել աւելի հիմնարար սկզբունքի վրայ: Այդ մասին յայտարարեց ՀՀ վարչապետ Տիգրան Սարգսեան` Հոկտեմբեր 17-20-ը Երեւանի մէջ գումարուող «Արարատի ստորոտին» խորագիրով միջազգային լրատուամիջոցներու ֆորումի մասնակիցներուն հետ հանդիպման ժամանակ: «Դա թոյլ է տալիս հանել բազմաթիւ սահմանափակող գործօնների, որոնք կարող են ի յայտ գալ, եթէ Հայաստանը յայտնուի Մաքսային Միութիւնից դուրս: Վերջին տարիներին բուռն գործընթացներ են տեղի ունենում ՄՄ-ի շրջանակներում, եւ եթէ մենք չընդելուզուինք ՄՄ-ին, ապա դա նոր սահմաններ կը ստեղծի Հայաստանի եւ Ռուսաստանի տնտեսվարող ենթականերու միջեւ, ինչը մեզ համար անթոյլատրելի շքեղութիւն է: Դրա համար էլ քաղաքական որոշում է կայացուել, որպէսզի մեր տնտեսութեան զարգացումը տեղի ունենայ ՄՄ-ի շրջանակներում»,- ըստ «Արմենփրես»-ի՝ ըսաւ վարչապետը:

Անոր խօսքով` որոշումը կայացուած է նաեւ աշխարահաքաղաքական, մշակութային, ազգային անվտանգութեան պարունակին մէջ: Հայաստանի յարաբերութիւնները Ռուսաստանի հետ խոր արմատներ ունին:

Վարչապետին դիտարկումով՝ երկրի համար այսօր մեծ նշանակութիւն ունի անվտանգութեան ապահովումը, քանի որ աշխարհաքաղաքական իրավիճակը տարածաշրջանին մէջ՝ ի տարբերութիւն հարեւաններուն, Հայաստանի վրայ աւելի մեծ ազդեցութիւն կը ձգէ` սահմաններու փակ ըլլալուն պատճառով: «Ատրպէյճանի եւ Թուրքիայի հետ մեր սահմանները փակ են, Իրանի դէմ կիրառուող սանկցիաները եւս սահմանափակում են Հայաստանի հնարաւորութիւնները, ուստի մեր միակ ճանապարհը Վրաստանի միջով է»,-ըսաւ ՀՀ կառավարութեան ղեկավարը` նշելով, որ նման աշխարհաքաղաքական իրավիճակը մեծ ազդեցութիւն կը ձգէ տնտեսութեան տարբեր ոլորտներու վրայ, ուստի Հայաստանի որոշումը հիմնուած է այդ գործընթացներուն դիմագրաւելու վրայ:

Զանգուածային լրատուամիջոցներու ֆորումի (Media forum) ծիրէն ներս Հայաստան ժամանած են ռուսաստանեան եւ եւրոպական երկիրներու մեծ հեղինակութիւն վայելող լրագրողներու 36 ներկայացուցիչներ: Ժողովին մասնակիցները պիտի այցելեն Հայաստանի տարբեր քաղաքաներ եւ Արցախ, պիտի պատրաստեն հեղինակային հաղորդումներ Հայաստանի մասին:

 

LEAVE A REPLY

Please enter your comment!
Please enter your name here