ԼԻԲԱՆԱՆԵԱՆ ԿԱՐՃ ԼՈՒՐԵՐ

0
95

 

-Նախկին վարչապետ Սաատ Հարիրի յայտնեց, թէ  հակառակ այն իրողութեան որ  շատ մը  ուժեր չեն փափաքիր իր  վերադարձը, որոշած է  մօտ ապագային վերադառնալ Լիբանան: Հարիրի  մաղթեց, որ Լիբանան վերականգնէ  իր ապահովական կայունութիւնը  եւ վերադառնայ իր  փառքի օրերուն:

– Նորանշանակ   վարչապետ Թամամ Սալամ պատասխանատուութիւն ստանձնելու հրաւիրեց   քաղաքական  հոսանքները, որպէսզի   դիւրացնեն նոր  կառավարութեան ն կազմութիւնը:  Սալամ նշեց, թէ  կառավարութիւնը չի կրնար  գոհացնել կողմերուն բոլոր պահանջները,  հետեւաբար անհրաժեշտ է  միջին եզրեր  գտնել եւ  համախոհական կառավարութիւն մը  կազմել:

-Արաբական  եւ լիբանանեան  օրաթերթեր կը   նշեն, թէ Ուաշինկթըն արգելք մը  չի տեսներ  նոր կառավարութեան մէջ Հըզպալլայի մասնակցութեան: Աղբիւրները կ’աւելցնեն, թէ Ուաշինկթըն կը  նախընտրէ կառավարութեան մէջ իբրեւ  գործընկեր ունենալ Հըզպալլան, քան՝  հակառակորդ:

-Ապահովական աղբիւրներ կը հաղորդեն, թէ  Ճունտ Ալլա  կազմակերպութեան զինեալ  թեւի  պատասխանատու՝ Ապու Օսման Մուրաապ, մազապուրծ  փրկուած է  մահափորձէ մը՝ Թրիփոլիի մէջ: Ներքին ապահովութեան  ուժեր  հետաքննութիւն մը  բացած են  մահափորձին պատճառներուն շուրջ:

LEAVE A REPLY

Please enter your comment!
Please enter your name here