ՆԱԼՊԱՆՏԵԱՆ ԱՅՑԵԼԵՑ ԵՐԵՒԱՆԻ ՄՕՏ ՄԱԿ-Ի ԳՐԱՍԵՆԵԱԿԸ

0
125

Հայաստանի արտաքին գործոց նախարար Էտուարտ Նալպանտեան  այցելեց Հայաստանի մօտ ՄԱԿ-ի գրասենեակը, ուր ՄԱԿ-ի մնայուն համակարգող Պրետլի Պուսետոյի հետ միասնաբար կատարեց  համաժողովներու վերանորոգուած դահլիճին բացումը:

Դահլիճի բացման արարողութենէն ետք, Նալպանտեան  հանդիպում մը ունեցաւ ՄԱԿ-ի մնայուն համակարգողի. ՄԱԿ-ի գործակալութիւններու եւ ծրագիրներու հայաստանեան ներկայացուցչութիւններու ղեկավարներուն հետ, որոնք անդրադարձան անցած քսան տարիներուն ընթացքին Հայաստանի մէջ իրենց կառոյցներուն կողմէն իրականացուցած ծրագիրներուն, ներկայացուցին իրագործուող նախագիծերը:

Հանդիպման մասնակիցներուն խնդրանքով  Նալպանտեան ներկայացուց վերջերս Նիւ Եորք կատարած այցելութեան ծիրէն ներս, ՄԱԿ-ի ընդհանուր քարտուղար Պան Քի Մունի հետ ունեցած հանդիպման ընթացքին քննարկուած  նիւթերը:

Զրոյցի ընթացքին մտքեր փոխանակուեցան սուրիահայերուն ցուցաբերուող օժանդակութեան  ՄԱԿ-ի հնարաւոր մասնակցութեան վերաբերեալ:

LEAVE A REPLY

Please enter your comment!
Please enter your name here